VOV4.Xơ Đăng - Rôh má 2 dêi rôh hôp má 7, Kuô̆k hô̆i hneăng XV po tung măng tĭng hdrối kố nah, hiăng tơpui hên tơdroăng kal. Tung mê, pơkâ mơnhông cheăng kâ 6 khế mơ’nui hơnăm ƀă luât pơkâ ‘mâi hơ’lêh liăn khế châ mâu kăn ƀă kuăn pơlê tơmâng vâ ‘nâi hên má môi.

VOV4.Xơ Đăng - Tơdroăng kố hiăng diâp 103 hnoăng liăn hriâm rơkê ƀă kơlo 1 rơtuh liăn diâp ăm hok tro ai tơdroăng rêh ối pá puât hriâm rơkê, kơlo 1,5 rơtuh liăn ƀă hok tro kuăn tê.

VOV4.Xơ Đăng - Khu tơkŭm po hiăng diâp 200 rơpâu kơxop mơ-éa chêh diâp ăm vâ chê 15.600 ngế hok tro râ má môi kơtiê tung lâp kong pơlê Dak Lak, ƀă ki kơnâ vâ chê 900 rơtuh liăn.

VOV4.Xơ Đăng - Tơkâ luâ 23 hơnăm ing hâi ki mơjiâng, kăn ƀô̆, lêng Đô̆i ki tí tăng, tơkŭm kơxêng kiâ mố đô̆i, khu lêng ki pleăng dêi hnoăng ƀă khu ki rơkê plĕng Việt Nam hlâ a Kul (K51), Khu pơkuâ ngăn lêng kong pơlê Dak Lak hiăng tăng tơkŭm châ 746 to kơxêng kiâ mố đô̆i hlâ tung mâu rôh tơplâ a tơnêi têa Kul vêh dêi ngi tơnêi têa. Rôh ki tí tăng mê châ mâu lêng đô̆i K51 pơtối ƀă hiâm mơno, khŏm mơ-eăm má môi vâ tăng tơdah xo mâu vâi pú ki hlâ châ vêh dêi a tơnêi têa.

VOV4.Xơ Đăng - Kơxê lơ 26/6, Khu pơkuâ vâi kơdrâi kong pơlê Dak Lak tơrŭm ƀă Khu pơkuâ râng kơxô̆ liăn tŏng kum vâi hdrêng kong pơlê tơkŭm po ‘’Trâm mâ, kheăn kơdeăn, diâp kơxuô tơmeăm ăm vâi hdrêng kuăn tê’’.

VOV4.Xơ Đăng - Tung hneăng tơ’noăng mơgêi hriâm râ má pái phôh thong 2024 a kong pơlê Gia Lai, kô ai lối 300 ngế droh rơtăm loăng hnoăng tơná veăng kum hok tro tung mâu hâi tơ’noăng.

VOV4.Xơ Đăng - Tơdroăng rak tơniăn gâk kring, tơniăn hneăng tơ’noăng châ tơmâng hên khât.

VOV4.Xơ Đăng - Hneăng hôp má 2 dêi Kuô̆k hô̆i roh má 7, Kuô̆k hô̆i hneăng 15 po tung măng tĭng hdrối, ai hên tơdroăng ki kal, drêng tơpui tơno a hngêi hôp kân ‘na Tơkêa pêi mơ’no liăn mơjiâng troăng kân rơdâ ing Peăng Kơnhŏng troh peăng Hdroh pá Mâ hâi Lu, kopong Gia Nghiã (Dak Nông) - Chơn Thành (Bình Phước), mâu kăn hiăng pơkâ thế ăm phep tơdroăng tơkêa bro kố cho xúa mâu troăng hơlâ ki vâ chiâ xo tơmeăm khoăng vâ mơjiâng pro tơmeăm khoăng. Tơdrêng amê, pâ thế ‘no liăn ngân i tŭm vâ tơniăn ăm tơdroăng mơjiâng troăng prôk kố klêi a hơnăm 2026 ah.

VOV4.Xơ Đăng - Leh diâp pri Hlá tơbeăng Tơnêi têa rôh má 18 kô po a kơmăng kố, a Hà Nội, klăng rôh tơbâ 99 hơnăm Hâi Hlá tơbeăng Kăch măng Việt Nam. Kố cho rôh vâ pơ-ôu pơ-eăng mâu ngế ki chêh, mâu ƀai chêh ki rơkê má môi, ai hnoăng veăng kum ăm hnoăng cheăng chêh hlá tơbeăng tơnêi têa tối krê ƀă hnoăng cheăng mơjiâng ƀă rak vế Tơnêi têa tối tơdjuôm. Kố xuân cho rôh vâ mơhnhôk mâu ngế ki cheăng ‘na chêh hlá tơbeăng pôi tá pơtê tơdroăng kơdo mơ-eăm mơjiâng Hlá tơbeăng Kăch măng Việt Nam ai hiâm mơno ki păng ‘nâng ƀă rơkê plĕng, xua ki pơxúa dêi tơnêi têa ƀă kuăn pơlê.

VOV4.Xơ Đăng - Rôh má 2 dêi hneăng hôp má 7 tiô tối hdrối kô hôp sap hâi kố lơ 17/6 ta troh hâi lơ 28/6. Kuô̆k hô̆i séa ngăn tơbleăng hên tơdroăng tơkêa bro, hlá mơ-éa pơkâ xuân môi tiah mâu tơdroăng pơkâ ki kal dêi râ kơpêng pơkuâ.