VOV4.Xơ Đăng - Khu ki pêi dêi hnoăng cheăng dêi Khu xiâm ngăn Kŏng an nếo tơkŭm po khăm, hbru pơkeăng tê kơtê ƀă diâp tơmeăm Têt ăm kuăn pơlê a péa to cheăm Ea Tiêu ƀă Ea K’tur, tơring Čư̆ Kuiñ, kong pơlê Dak Lak.

VOV4.Xơ Đăng - Têt kố, Khu lo tŏng veăng kong pơlê Dak Lak mơ-eăm rak ngăn, tŏng gum lối 65 rơpâu ngế kơtiê, ngế ki ai tơdroăng rêh ối pá puât, ngế ki tơ’lêi trâm mâu tơdroăng pá.

VOV4.Xơ Đăng - Tung mâu hâi hdrối, khu lêng tơrŭm ƀă khu kăn pơkuâ ƀă kơvâ cheăng ki ai tơdjâk troh tơkŭm po hên tơdroăng cheăng tŏng gum Têt ăm mâu kơtiê a kong pơlê Dak Lak.

VOV4.Xơ Đăng - Tung mâu hâi hiăng hluâ, a kơpong Tây Nguyên tơkŭm po hên tơdroăng ing tŏng gum mâu ngế pá puât, tŏng gum mơngế kơtiê hbrâ tơdah Têt lo hơnăm nếo Ất Tỵ.

VOV4.Xơ Đăng - Ƀơrô ngăn ‘na cheăng Kuô̆k hô̆i nếo tơkŭm po Roh hôp mơgêi hnoăng cheăng hơnăm 2024, pơkâ pêi pro hnoăng cheăng hơnăm 2025. Veăng ai mâ ƀă tơpui a roh hôp, pôa Trần Thanh Mẫn, Kăn xiâm hnê ngăn Kuô̆k hô̆I hiăng pơkâ thế pơtối pơhlêh nêó túa pêi cheăng, “mơdêk hnoăng cheăng” dêi khu kăn pơkuâ mâu kơ koan dêi Kuô̆k hô̆i, thâ rĕng pêi pro hnoăng cheăng ki ‘mâi rơnêu bro kơxô̆ mâu kăn pơkuâ cheăng dêi VI ƀan hnê ngăn Kuô̆k hô̆i, mâu kơ koan dêi Vi ƀan hnê ngăn cheăng Kuô̆k hô̆i, mâu khu xiâm, mâu tíu pơkuâ cheăng ối tung Ƀơrô ngăn ‘na cheăng dêi Kuô̆k hô̆i dêi tơnêi têa.

VOV4.Xơ Đăng - Pôa Phạm Minh Chính, Ngế pro xiâm hnê ngăn Chin phuh kĭ Pơkâ kơxô̆ 1/CT-TTg hâi lơ 3/1/2025 ‘na tơdroăng hbrâ troăng tơniăn bê tŭm on tơhrik kum tung pêt mơjiâng tơmeăm khoăng, tê mơdró ƀă tơdroăng rêh ối kuăn pơlê tung hơnăm 2025 ƀă hneăng hơnăm 2026 – 2030.

VOV4.Xơ Đăng - Hnê mâu ngế ôh tá ‘nâi chư cho môi tung mâu tơdroăng cheăng pêi ki kal veăng ‘no hnoăng mơnhông kuăn pơlê hlê plĕng, mơnhông tơdroăng rêh ối dêi kuăn pơlê. A Gia Lai, tơdroăng pêi pro mê dế tơbleăng kơhnâ khât, malối a kơpong hdroâng kuăn ngo.

VOV4.Xơ Đăng - Kơxo lơ 30/12, pôa Nguyễn Hòa Bình, Ngế pro xiâm phŏ hnê ngăn tơnêi têa hiăng veăng hôp a rôh hôp ƀă tơpui a rôh hôp mơgêi tơdroăng cheăng hdroâng kuăn ngo hơnăm 2024 ƀă tơbleăng hnoăng cheăng vâ pêi hơnăm 2025.

VOV4.Xơ Đăng - Pôa Tô Lâm, Kăn xiâm pơkuâ hnê ngăn Đảng mơhno hiâm mơno pâ mơnê ôh tá kâi tối ƀă nhuô̆m trâu hơngế ƀă Pôa Hồ Chí Minh, Kăn xiâm pơkuâ hnê ngăn tơnêi têa hneăng apoăng, kăn pơkuâ ki kân dêi Đảng ƀă kuăn pơlê, ngế khên tơnôu tơleăng lĕm hdroâng mơngế.

VOV4.Xơ Đăng - A Hà Nội nếo po roh Hôp hnê tối, tơbleăng pơkâ thế arak vế, pêi pro mâu luât, tơdroăng pơkâ hiăng châ Hneăng hôp má 8 Kuô̆k hô̆i hneăng 15. Roh hôp mê xua pôa Trần Thanh Mẫn-Kăn xiâm hnê ngăn Kuô̆k hô̆i ƀă pôa Phạm Minh Chính, Ngế pro xiâm hnê ngăn pơkuâ djâ, hiăng po mơ’no tơdrêng tung măng internet a 63 kong pơlê, pơlê kong kân tung lâp tơnêi têa. A roh hôp kố, Ngế pro xiâm hnê ngăn hiăng pơkâ thế “Chin phuh ƀă Kuô̆k hô̆i athế rĕng mơ’no mâu luât, tơdroăng pơkâ mot tung tơdroăng rêh ối, cheăng kâ, vâ ga tơtro tiô hiâm mơno pói vâ dêi kuăn pơlê”.