VOV4.Xơ Đăng - Kơxo hâi lơ 20/9, Khu ngăn vâi kơdrâi kong pơlê Dak Lak tơrŭm ƀă Khu Ngăn mâu hơnăm hiăng krâ kong pơlê tơkŭm po hneăng Hôp khĕn kơdeăn vâi kơdrâi hơnăm hiăng hên ki kơhnâ rơkê tung tơdroăng mơjiâng  rơpŏng hngêi túa lĕm tro, tơtô, hơniâp hơnăm 2024.

VOV4.Xơ Đăng - Krâ pơlê, ngế ki châ kuăn pơlê loi nhuô̆m a pơlê cheăm dêi Dak Nông dế veăng gum kal khât tung rak vế rak tơniăn ƀă mơnhông cheăng kâ rêh ối pơlê pơlê a cheăm, tơring. Kong pơlê Dak Nông xuân hiăng ai mâu troăng hơlâ pơkâ pơtối mơdêk hnoăng cheăng dêi mâu ngế ki châ kuăn pơlê loi nhuô̆m tung kơpong hdroâng kuăn ngo, veăng gum mơhnhôk ivá rơdêi tơkŭm pêi pro tơdroăng vâ  chiâng kong pơlê chía niân dêi kơpong Tây Nguyên. Mâu krâ pơlê, mâu ngế ki châ kuăn pơlê loi châ pơtih môi tiah mâu “loăng kân ton hơnăm dêi pơlê cheăm”.

VOV4.Xơ Đăng - Mâu hâi hiăng hluâ, kong pơlê Dak Lak hiăng mơhnhôk châ chât rơtal liăn ƀă hên tơmeăm ki kal xúa rêm hâi vâ tơdjuôm ivá gum kuăn pơlê kơpong têa lân lu mâu kong pơlê Peăng Kơnhŏng tơkâ hluâ pá puât.

VOV4.Xơ Đăng - Kơxê lơ 18/9, a Hà Nội, pôa Nguyễn Hòa Bình, Ngế pro xiâm phŏ hnê ngăn tơnêi têa, Kăn hnê ngăn Hô̆i đong tiâ mơnhên tơdroăng ăm rĕng lo hdrối tâ hâi khế pơkâ ƀă mâu ngế kroăng phâk hơnăm 2024 pơkuâ po rôh hôp séa ngăn hồ sơ, inâi pơkâ thế ăm lo hdrối tâ hâi khế pơkâ ƀă mâu ngế ki kroăng phâk hơnăm 2024.

VOV4.Xơ Đăng -  Kong pơlê Kon Tum tơkŭm po Leh mơhnhôk tơdroăng tơ’noăng ‘’Tơdjuôm ivá xut tah lôi hngêi pơtân, hngêi xiê kơchoh’’ ƀă pơkâ troh tâi hơnăm 2025 kô ôh tá ai xếo rơpŏng kơtiê, vâ chê kơtiê thế rêh tung mâu toăng hngêi pơtân xiê kơchoh.

VOV.Xơ Đăng - Hâi lơ 16/9, a Hà Nội, pôa Đỗ Văn Chiến, Kăn hnê ngăn Vi ƀan Tíu xiâm Măt trâ̆n tơnêi têa Việt Nam hiăng tơdah xo tơmeăm veăng gum ing mâu kơ koan, khu mơdró, khu tơrŭm, mâu ngế tung tơnêi têa ƀă kong têa ê veăng gum kuăn pơlê ki trâm pá xua khía kân rôh má 3 plong mot.

VOV.Xơ Đăng - Tung chôu phut sôk tro Trung thu, vâi o a Dak Lak ai tơdroăng pêi pro pơxúa rơtế pâ troh mâu vâi o kơpong têa lân lu.

VOV4.Xơ Đăng - Măng tĭng hdrối a kong pơlê Thái Nguyên, pôa Trần Thanh Mẫn, Kăn xiâm hnê ngăn Kuô̆k hô̆i hiăng lăm pôu hbru tơmeăm ăm kuăn pơlê a cheăm Nga My, tơring Phú Bình ƀă hlối pêi cheăng ƀă mâu kong pơlê Thái Nguyên ‘na tơdroăng cheăng pơkuâ, hnê mơhno hbrâ ví ƀă tơkâ luâ xơpá xua khía mơhot kân rôh má 3 plong mot. Rôh kố, pôa Trần Thanh Mẫn, Kăn xiâm hnê ngăn Kuô̆k hô̆i hiăng diâp 30 rơtal liăn dêi Khu Tŏng gum xiâm tơnêi têa ăm kong pơlê Thái Nguyên, vâ gum kuăn pơlê rĕng tơkâ luâ xơpá xua khía mơhot kân rôh má 3 plong mot bro têa lân lu tung kong pơlê.

VOV4.Xơ Đăng - Kơxo hâi lơ 12/9, a Hngêi Kuô̆k hô̆i, hdrối vâ pơxiâm po Rôh hôp má 37 dêi Vi ƀan Pơkuâ cheăng Kuô̆k hô̆i, Ƀơrô Kuô̆k hô̆i tơkŭm po leh beăng tơlo liăn gum mâu kuăn pơlê ki dế trâm pá xua khía kân rôh má 3 plong mot.

VOV4.Xơ Đăng - Kơxo hâi lơ 12/9, drêng troh hbrâ vâ tơdah Têt Trung thu hơnăm 2025, jâ Võ Thị Ánh Xuân, Kăn xiâm phŏ hnê ngăn tơnêi têa hiăng troh lăm pôu, hbru tơmeăm ăm mâu vâi hdrêng ki dế pơlât a Viện Huyết học-Truyền máu Trung ương.