VOV4.Xơ Đăng - Kơmăng lơ 16/6, Khu xiâm rah chêh hlá tơbeăng Kŏng san, Khu hnê mơhno má môi Vi ƀan xiâm Mât trâ̆n Tơnêi têa Việt Nam, Khu xiâm pơkuâ Mô đô̆i gâk tơkăng kong tơkŭm po Tơdroăng pơ-ôu pơ-eăng ƀă ngế ki kuăn pơlê loi tơngah ki kơhnâ rơkê kơpong tơkăng kong, têa kơxĭ rơlố roh má II, hơnăm 2024 ƀă dó inâi ‘’Tíu hgiên dêi pơlê’’.

VOV4.XƠ Đăng -Măng tĭng hdrối, hiăng po roh hop má 34 dêi Vi ƀan hnê ngăn Kuô̆k hô̆i. Xông tơpui a roh hôp, pôa Trần Thanh Mẫn, Kăn xiâm hnê ngăn Kuô̆k hô̆i tối ăm ‘nâi, kố cho rôh hôp tiah hmâ dêi khế 6, tơkŭm po tung pơla péa rôh hôp dêi Hneăng hôp má 7, Kuô̆k hô̆i má 15. Roh hôp po tung pơla 3 hâi, ăm mâu kăn, kuăn pơlê veăng tơpui tối tung 16 tơdroăng ki kal.

VOV4.Xơ Đăng - Kơxo hâi lơ 14/6, Khu xiâm ngăn cheăng pêi mố đô̆i tro rong ƀă rêh ối pơlê pơla kong pơlê Dak Lak tơrŭm ƀă Liên Đoân pêi cheăng kong pơlê tơkŭm po Hâi pêi cheăng hơăn 2024 ƀă pơxá “Tơdjêp tơdroăng cheăng pêi - tiô troăng pêi cheăng - krá tơniăn tung la ngiâ”.

VOV4.Xơ Đăng - Roh trâm mâ veăng amê ai khu râ kăn pơkuâ, mâu ƀok dêi 45 khu pơkuâ tơdroăng khôp ối tung 16 tơdroăng khôp hiăng châ Đảng, Tơnêi têa mơnhên.

VOV4.Xơ Đăng - Pêi pro tiô tơdroăng pơkâ dêi tơnêi têa tung mơnhông cheăng kâ - rêh ối kơpong kuăn ngo ƀă kong ngo pơla hơnăm 2021-2030, kong pơlê Bình Định mơ-eăm, kơdroh riên 2% - 3% rêm hơnăm kơxô̆ mơngế ki rĕng xo on veăng tá hâi tro hơnăm ƀă pơtối rak ti mê oh tá ăm ai mơngế ki xo dêi rơpó ối tơdjuôm môi mơheăm chhá, môi hdrông hdrê, hdroâng kuăn ngo ai hên kơxô̆ mơngế xo dêi rơpó ta hâi tro hơnăm. Ƀai dêi Thanh Thắng ngế chêh hlá tơbeăng a kơpong Tơdế tơnêi têa ai chêh tối ‘na tơdroăng mê.

VOV4.Xơ Đăng - Pôi tá ăm hok tro ki lâi athế pơtê tơ’noăng mơgêi râ má pái xua tơdroăng rêh ối xơpá”. Kố cho môi tung mâu tơdroăng pơkâ thế dêi Khu hnê mơhno tơ’noăng mơgêi râ má pái phôh thong hơnăm 2024 kong pơlê Dak Lak ƀă mâu cheăm tơring tung pơláéa ngăn hnoăng cheăng tơkŭm po tơ’noăng.

VOV4.Xơ Đăng - Mâu hơnăm hdrối mê hía nah, kong pơlê Gia La hiăng tơlo hên kơxô̆ liăn tơmâng ngăn troh hnoăng cheăng tŏng gum ƀă rak vế vâi hdrêng, malối cho ƀă mâu vâi hdrêng ki ai tơdroăng pá puât, vâi hdrêng a kơpong hngế hngo. Tơbleăng Khế tŏng kum vâi hdrêng hơnăm 2024 ƀă inâi “Pêi pro pơxúa, kơjo gum liăn ngân ăm vâi hdrêng”, kong pơlê Gia Lai dế mơhnhôk tâi tâng pơlê pơla tơdjuôm ivá rak vế vâi hdrêng mơjiâng tơdroăng rêh ối tơniăn, rơdêi vâ mơnhông tŭm têk.

VOV4.Xơ Đăng - Tung lối 5 rơpâu ngế hok tro dêi kong pơlê Kon Tum chêh inâi tơ’noăng mơgêi râ má pái hơnăm kố, ai lối 1.100 ngế hok tro ai tơdroăng rêh ối xơpá, hiăng châ mâu hngêi trung tung kong pơlê pro tơ’lêi hlâu tung rơbot ƀai tơ’noăng tơkŭm a hngêi trung.

VOV4.Xơ Đăng - Măng tĭng hdrối nah rôh hôp má 7, Kuô̆k hô̆i hneăng 15 hiăng êng mơnhên tơdroăng tiâ mơnhên. Pôa Trần Hồng Hà, Ngế pro xiâm phŏ hnê ngăn Chin phuh ƀă 4 Ngế xiâm, ngế pơkuâ kơvâ cheăng hiăng tiâ tơdrêng hên tơdroăng ki mâu kăn Kuô̆k hô̆i  pơkâ. Tung rôh hôp kơ êng hên tơdroăng, tơpui tiâ a  rôh hôp hiăng ăm hlo kơ-êng nhên tiâ tơdrăng, tro hnoăng cheăng dêi mâu “ngế teăng mâ‘’ kơvâ cheăng vâ tah mâu tơdroăng xơpá, tơvâ tơvân vâ mơnhông cheăng kâ-rêh ối kuăn pơlê.

VOV4.Xơ Đăng - Vi ƀan hnê ngăn kong pơlê Dak Lak hiăng xing xoăng lối 155 tâ̆n phái xua Chin phuh hbru gum ing kơxô̆ phái ki tŏng gum dêi tơnêi têa vâ veăng gum ăm kuăn pơlê hdrối vâ troh rơnó báu tum hơnăm 2024. 3 tơring ƀă pơlê kong krâm Ƀuôn Hồ cho mâu tíu ki châ tơdah xo phái tung roh kố.