VOV4.Xơ Đăng - Ing hơnăm 2021 troh nôkố, kong pơlê Dak lak hiăng ‘mâi rơnêu, mơjiâng nếo vâ chê 5.600 toăng hngêi gum mâu ngế ki ai hnoăng; rơpŏng kơtiê, rơpŏng vâ chê kơtiê, rơpŏng ai hnoăng tơnêi têa.

VOV4.Xơ Đăng - Kong pơlê Lâm Đồng dế mơhnhôk mâu kơ koan, tíu cheăng ki tơdjâk mơdêk rĕng tơdroăng kêi đeăng pơkâ pêi xut lối 1.000 hngêi pơtân, hngêi xi kơchoh tung hơnăm kố kum mơngế kơtiê.

VOV4.Xơ Đăng - Kơxo hâi lơ 12/11, Khu hnê mơhno kơxô̆ 515 dêi kong pơlê Gia Lai hiăng tơkŭm leh ăm lêng lăm pêi hnoăng cheăng tăng, tơkŭm mâu kơxêng kiâ mâu mố đô̆i ƀă mâu ngế ki rơkê dêi Việt Nam lăm pleăng hnoăng tơná tơplâ tung mâu hneăng tơplâ a kong têa Kul.

VOV4.Xơ Đăng - Kơnôm ai tơdroăng pơkuâ ngăn dêi pôa Trần Thanh Mẫn - Kăn xiâm hnê ngăn Kuô̆k hô̆i, Vi ƀan hnê ngăn Kuô̆k hô̆i nếo hôp ăm mâu kăn tơpui tối ‘na troăng hơlâ mơ’no liăn ăm Tơdroăng Tơkêa bro troăng rơxế lơtreng ki kơtâu têi ing kơpong Pá Kơnhŏng troh a Peăng Hdroh. Pôa Nguyễn Đức Hải - Kăn xiâm phŏ hnê ngăn Kuô̆k hô̆i tối ăm ‘nâi, Vi ƀan hnê ngăn Kuô̆k hô̆i hiăng môi tuăn pơtroh ăm Kuô̆k hô̆i seá mơnhên ngăn, pơkâ troăng hơlâ mơ’no liăn tơdroăng tơkêa bro troăng rơxế lơ treng ing peăng Kơnhŏng troh a Peăng Hdroh a hneăng hôp má 8, Kuô̆k hô̆i hneăng 15.

VOV4.Xơ Đăng - Mâu kong pơlê peăng Tơdế tơnêi têa – Tây Nguyên kal pơtối xúa tơmeăm ki ai hlâu, pơhlêh nếo tơmiât pêi rơkê vâ kơdroh kơtiê rĕng, kơdroh kơtăng ‘na kơlo rêh ối ƀă pêi lo liăn tâng pơchông ƀă tơdâng lâp tơnêi têa.

VOV4.Xơ Đăng - Teăng mâ kăn hnê ngăn Khu xiâm pơkuâ ngăn lêng tơkăng kong dêi kong pơlê Dak Lak, Kơ koan teăng mâ kơpong Tây Nguyên- Rơ’jiu xiâm Việt Nam (VOV Tây Nguyên), rơtế ƀă mâu tíu pêi cheăng tŏng gum tơkŭm po leh hiăng pro klêi hngêi ƀă pơcháu “Hngêi vâi pú’’ hơnăm 2024 ƀă mâu lêng kơtiê xơpá a mâu cheăm hngế hngo Cư Pui, tơring Krông Bông, kong pơlê Dak Lak.

VOV4.Xơ Đăng - Kơxo lơ 8/11, a pơlê kong kơdrâm Đà Lạt, kong pơlê Lâm Đồng, Tổng Liên đoân pêi cheăng Việt Nam tơkŭm po hôp tơpui tơno mơnhên tơdroăng châ tơƀrê 10 hơnăm pêi pro Pơkâ 217/2013 dêi Khu xiâm kal kí (hneăng má XI) ‘na séa ngăn, tiâ tối pơlê pơla dêi Mât trâ̆n Tơnêi têa Việt Nam ƀă mâu khu cheăng kal kí – rêh ối pơlê pơla.

VOV4.Xơ Đăng - Tung mâu tơdroăng ki loi ôh pá tro tung pơlê cheăm hdroâng kuăn ngo ki iâ mơngế a Lai Châu hdrối nah, ai tơdjâk hên ó troh hnoăng cheăng vâi kơdrâi tung rơpŏng hngêi ƀă rêh ối pơlê pơla. Pơkâ pêi pro tơdroăng tơkêa bro kơxô̆ 8 “Rak vế tơdroăng ki tơdâng pơla vâi kơdrâi vâi kơnốu ƀă mâu tơdroăng ki tŏng gum tơdrêng ƀă vâi kơdrâi ƀă vâi hdrêng” ối tung Hnoăng cheăng xiâm dêi tơnêi têa tung mơnhông pêi cheăng kâ-rêh ối pơlê pơla kơpong hdroâng kuăn ngo ki iâ mơngế ƀă kong ngo hneăng hơnăm 2021-2030, hneăng má I: ing hơnăm 2021 troh a hơnăm 2025 hiăng veăng gum pro pơhlêh tuăn tơmiât, tuăn ki hlê plĕng dêi pơlê pơla ƀă dêi ing tơná mâu vâi kơdrâi. Gum ăm vâi khên vêh mơnhông dêi hnoăng cheăng tơná tung rơpŏng hngêi ƀă pơlê pơla.

VOV4.Xơ Đăng - Ti xê to pêi pro klêi hnoăng cheăng dêi ngế teăng mâ kuăn pơlê tung pêi hnoăng cheăng tơná, mê pơla hdrối kố nah, Khu kăn teăng mâ Kuô̆k hô̆i kong pơlê Dak Lak ối mơdoh hên chôu phut, mơhnhôk mâu khu râ pêi pro hnoăng cheăng tŏng gum ăm pơlê pơla. Tơdroăng ki rak ngăn, tŏng gum ăm mâu kuăn pơlê ki kơtiê xahpá tung pơlê cheăm hdroâng kuăn ngo, pơlê cheăm ối kơpong hơngế hơngo hiăng mơjiâng chiâng tíu ki xiâm gum ăm kuăn pơlê châ hluăn ing kơtiê.

VOV4.Xơ Đăng - Kơxo hâi lơ 1/11, khu kăn pơkuâ hnê ngăn Đảng kong pơlê, Khu kăn Kuô̆k hô̆i, Hô̆i đong kuăn pơlê, Vi ƀan kuăn pơlê, Vi ƀan Măt trâ̆n tơnêi têa kong pơlê Hà Giang hiăng tơkŭm po leh tơbâ hnoăng ƀă ‘mé kơxêng mâu ngế hlâ ai hnoăng tung mâu rôh tơplâ kring vế tíu tơkăng kong peăng Kơnhŏng Tơnêi têa a ilâng kiâ mâu ngế hlâ ai hnoăng a Vị Xuyên.