Têt Tơrŭm dêi rơpó – Rơnó Hơngui mơnê Đảng” veăng tŏng gum Têt ăm mâu kŏng đoân viên xơpá a kong pơlê Dak Lak
Thứ năm, 05:00, 05/02/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Kơxo hâi lơ 4/2, a Hngêi mơhno túa lĕm tro tíu pêi cheăng kong pơlê - Tíu pêi cheăng a peăng mâ hâi Lu; dêi bêng Tân An, Liên đoàn Lao động kong pơlê Dak Lak tơkŭm po Tơdroăng “Têt tơrŭm dêi rơpó - Hơngui mơnê Đảng” hơnăm 2026, tơmâng tŏng gum Têt ăm đoân viên, mơngế pêi cheăng ki kơtiê xơpá tung kong pơlê kơpong peăng mâ hâi Lu dêi kong pơlê.
A tơdroăng mê, Khu tơkŭm po hiăng diâp 300 kơxu tơmeăm Têt ăm đoân viên, mơngế pêi cheăng, rêm kơxu kơnâ 800.000 liăn cho liăn mâ ƀă tơmeăm Têt; kơjo kum liăn pro 5 toăng hngêi pơxá “Hngêi tơtô Kŏng đoân”, veăng gum mơngế pêi cheăng tơdah Têt tung hiâm mơno hơniâp ro tơtô pâ dêi rơpó.
Hdrối mê, Tơdroăng “Têt tơrŭm dêi rơpó – Rơnó Hơngui mơnê Đảng” hơnăm 2026, xuân hiăng châ Liên đoàn Lao động kong pơlê tơkŭm po a Hngêi mơhno túa lĕm tro Pêi cheăng kong pơlê - Tíu pêi cheăng a peăng mâ hâi Lo (bêng Tuy Hòa), diâp ăm 300 kơxu tơmeăm Têt ƀă diâp hnoăng liăn pro 5 toăng hngêi pơxá “Hngêi tơtô Kŏng đoân” kơjo gum đoân viên, mơngế pêi cheăng ki kơtiê xơpá a kơpong peăng mâ Hâi lo dêi kong pơlê.
Viết bình luận