Pôa Trương Công Thái, Phŏ Kăn hnê ngăn Vii ƀan kong pơlê Dak Lak, Kăn hnê ngăn Hnê mơhno cheăng ‘na Tíu tơkăng kong dêi kong pơlê hiăng vêh mơnhên tối ƀă kơdeăn khĕn ‘ló khât mâu tơdroăng ki hiăng châ chiâng pêi pro dêi Mô đô̆i gak tíu tơkăng kong dêi kong pơlê hiăng châ chiâng pêi pro tung rak vế hnoăng cheăng pơkuâ, kring vế krá kâk hnoăng pơkuâ ngăn tơnêi têa, kring vế tíu tơkăng kong dêi tơnêi têa, hbrâ tơrŭm cheăng krá tơniăn, châ pơxúa ƀă khu lêng kring vế, gak ngăn tíu tơkăng kong ƀă kong têa Kul tung pơkuâ ngăn, kring vế troăng tíu tơkăng kong, tơneăn hdró tíu tơkăng kong; kăn ƀô̆, khu lêng đi đo pôu râng hnoăng cheăng kân khât, khŏm mơ-eăm tơkâ luâ mâu tơdroăng xahpá, pêi pro kêi đeăng rêm hnoăng cheăng khu pá pêng hiăng pơcháu.

Pôa Trương Công Thái tối ăm pin ‘nâi, kong pơlê Dak Lak đi to tŏng gum, veăng pêi pro tơ’lêi hlâu má môi vâ Mô đô̆i Gak tíu tơkăng kong châ pêi pro dêi hnoăng cheăng; tơdrêng amê, pơkâ thế hơnăm 2026, khu râ ủi, khu kăn pơkuâ rêm râ tung Mô đô̆i Gak tíu tơkăng kong dêi kong pơlê pơtối mơdêk mâu hnoăng cheăng ki hiăng châ chiâng pêi pro, rak vế krá tơniăn tơdroăng tơrŭm tung khu, thăm mơdêk ki dâi lĕm hnoăng cheăng, hbrâ vâ xo tơdroăng cheăng ƀă pêi pro ƀlêi chiâng rêm hnoăng cheăng tung chal nếo nôkố.