A rôh leh mơhá pri, Hô̆i đong tơ’noăng mơgêi hiăng pơtroh  Khu hnê mơhno Tơleăng mơnhên diâp 6 pri A, 13 pri B, 18 pri C, 10 pri chuyên đề ƀă 35 pri mơhnhôk ăm tâi tâng mâu ƀai chêh rơkê. Tung mê, Rơ’jíu xiâm Việt Nam xo 1 pri A, 1 pri B ƀă 1 pri C ƀă 3 pri mơhnhôk.

Tơbleăng a rôh leh, pôa Tô Lâm, Kăn xiâm pơkuâ hnê ngăn Đảng tối nhên, hneăng Hôp mâu kăn tung lâp tơnêi têa rôh má 14 dêi Đảng cho hdró ki nếo tơdroăng 96 hơnăm Đảng pơkuâ hnê mơhno kăch măng Việt Nam, klêi tơniăn lĕm dêi hneăng Hôp 14 hiăng mơhno ki púi vâ tuăn loi ki mơ-eăm ƀă mâ ngăn mơnhông tơƀrê dêi Đảng ƀă hdroâng mơngế.

Xuân a rôh leh, pôa Tô Lâm, Kăn xiâm pơkuâ hnê ngăn Đảng, pôa Phạm Minh Chính, Ngế pro xiâm hnê ngăn tơnêi têa, pôa Trần Thanh Mẫn, Kăn xiâm hnê ngăn Kuô̆k hô̆i rơtế ƀă mâu kăn xiâm Đảng, Tơnêi têa hiăng pơcháu ki pơtih ƀă ƀang kơdeăn khĕn ăm mâu ngế chêh ƀai rơkê, mâu khu chêh ƀai rơkê châ tơdah xo pri Búa liềm Vàng  2025 ƀă 96 mâu kăn hnê ngăn chi ƀô̆ kơhnâ rơkê tung lâp tơnêi têa. Pakĭng mê, ối mơhnhôk kô po tơ’noăng mơhá pri Búa liềm Vàng rôh má 11 hơnăm 2026.