Sap hâi apoăng hơnăm, tơdroăng pêi pro phiu ro Têt hơnăm nếo Bính Ngọ rơtế ƀă tơbâ Ƀlêi trâng Buôn Ma Thuột châ hbrâ nhên, pro xiâm ki hơniâp ro, tơ’mot kuăn pơlê ƀă tơmối. Tơdroăng hơdruê xuân koh hâk troh hơnăm nếo a kơmăng Tâi hơnăm ton vâ lo hơnăm nếo tơkŭm po a bêng Buôn Ma Thuột ƀă bêng Tuy Hòa veăng tơbleăng lâp lu tơdroăng phiu ro.

Mot tung pái khế pơtối xap khế pŭn troh khế tơdrốu, ôm hyô a Dak Lak hdró tơdroăng tơdjêp pơla túa lĕm tro kơpong kong ngo ƀă têa kơxĭ chuăn ƀă Tĭng xối Tơnăng Ká hơnăm 2026, Hneăng hôp  tơpui cheăng kâ têa kơxĭ lĕm. Pơtối mê, cho Tĭng xối Tơnăng Ká, mơdĭng plâi sầu riêng râ kong pơlê ƀă mơđah hơdruê xuăng tơbâ hâi mơjiâng tơnêi têa lơ 2/9.