Hdrối mê, hôp rôh má môi vâ môi tuăn kơxô̆ mâu kăn Kuô̆k hô̆i châ rah xo a kong pơlê ai 15 ngế, mê ai 6 ngế kăn xua Tíu xiâm rah xo ƀă 9 ngế xua kong pơlê tơbleăng; tâi tâng kơxô̆ mongế châ tơbleăng inâi tiô tối hdrối ai 28 ngế. Ing tơdroăng xoăng inâi, Khu kăn Vi ƀan măt trâ̆n tơnêi têa kong pơlê hiăng xo tŭm hồ sơ tiô pơkâ.

Hneăng hôp môi tuăn inâi chêh 22 ngế ƀă tơpui ‘na mâu tơdroăng pơchân drêng xo tơdroăng veăng hnê tối dêi kuăn pơlê a tíu ối, tíu pêi cheăng. Tơbleăng a roh hôp, jâ Cao Thị Hòa An, Ngế cheăng tung Tíu Xiâm Đảng, Phŏ kăn hnê ngăn Tỉnh ủy, Kăn hnê ngăn Hô̆i đong kuăn pơlê dêi kong pơlê, Kăn hnê ngăn Vi ƀan tâ phĭu dêi kong pơlê Dak Lak pâ thế Khu ngăn Vi ƀan Măt trâ̆n tơnêi têa Việt Nam pơtối tơrŭm nhên ƀă kơ koan ki tơdjêk troh, tơbleăng tro tơdroăng hôp tơpui ki pơtối, tơniăn môi tuăn pơlê, pêi tro tơdroăng ƀă pơkâ dêi luât.