Tơpui a rôh leh, pôa Trần Thanh Mẫn, Kăn pơkuâ ngăn Đảng ủi Kuô̆k hô̆i, Kăn xiâm hnê ngăn Kuô̆k hô̆i hâk kơdeăn rơkâu pôa Dương Thanh Bình châ diâp Mê dái 45 hơnăm ối tung Đảng ƀă pôa Phùng Khánh Tài châ diâp Mê dái 30 hơnăm ối tung Đảng klăng a rôh ki kal, tơbâ 96 hơnăm mơjiâng Đảng ƀă Hneăng hôp khu kăn lâp tơnêi têa rôh má XIV dêi Đảng nếo châ po ƀlêi chiâng tơniăn lĕm.

Teăng mâ prế pôa ki châ diâp Mê dái, pôa Dương Thanh Bình, Kăn hnê pơkuâ Vi ƀan Hnê mơhnhôk cheăng ƀă Séa ngăn tơdroăng cheăng tối, kô pơtối mơ-eăm, hriâm pât, rak vế túa rêh ối lĕm, Tơdroăng lĕm dêi kăch măng; djâ troăng ahdrối pêi pro kơtăng mơ-éa chêh ‘na cheăng kal kí, tơdroăng pơkâ dêi Đảng, mâu tơdroăng pơkâ dêi Đảng, troăng hơlâ, luât dêi Tơnêi têa; pơtối djâ troăng ahdrối, rak vế tŭm hnoăng cheăng dêi ngế đảng viên veăng mơjiâng tơnêi têa Việt Nam rế hía rế kro rơdêi, mơnhông krá tơniăn, prôk troh chuh ngiah xah hô̆i.