Tơdroăng kố xua Khu xiâm ngăn kơmăi kơmok ƀă tê mơdró tơrŭm ƀă Khu xiâm ngăn Túa lĕm tro, Tơ’noăng ivá ƀă Ôm hyô, Khu xiâm ngăn chiâk deăng ƀă Hyôh kong prâi, Vi ƀan hnê ngăn Pơlê kong kân Hà Nội, Vi ƀan hnê ngăn Pơlê kong kân Hồ Chí Minh, Grup pơkuâ Vingroup tơkŭm po ƀă cho tíu troh ‘na túa lĕm tro ki hơniâp lĕm rêm rôh Têt troh, Hơngui vêh.

Ƀă túa tơkŭm po râ tơnêi têa, tơkŭm lối rơpâu khu tơrŭm, khu mơdró kâ tung tơnêi têa ƀă kong têa ê, Rôh po kơchô kố cho rôh tơdjêp mâu khu ki roê tung tơnêi têa, ô eăng ƀă mơđah tơbleăng rơdêi mâu tơmeăm Việt Nam ki dâi lĕm. Kố cho ivá mơeăm ki ai khât vâ mơdêk ki kơnía “Mơjiâng pro – Tê mơdró – Rôe xúa”, pro chiâng môi tơdroăng ki roê xúa tơmeăm hâk vâ, pêi châ tiô tơdroăng púi vâ dêi kuăn pơlê tung mâu hâi ki a chê Têt. Rôh po kơchô châ tơkŭm dâng 3 rơpâu kơbong tê tơmeăm rơtế ƀă mâu kơpomng cheăng túa lĕm tro, pế kế kâ.