Pôa Lương Nguyễn Minh Triết, Kăn pơkuâ hnê ngăn Đảng ủy Dak Lak tơmâng xo, khĕn kơdeăn mâu tơdroăng hiăng châ pêi pro dêi Đông tơkăng kong Hòa Hiệp Nam, bêng Hòa Hiệp (pơlê kong kơdrâm Tuy Hòa, kong pơlê Phú Yên ton) tung tơdroăng cheăng rak ngăn, kring vế hnoăng pơkuâ tơnêi têa, kring tơniăn tíu tơkăng kong tơnêi têa. Tung la ngiâ, Kăn pơkuâ hnê ngăn Đảng ủy kong pơlê Dak Lak pơkâ thế râ ủy, ngế pơkuâ đông mố đô̆i tơkăng kong Hoà Hiệp Nam hnê pêi pro, pê klêi mâu pơkâ dêi hneăng hôp tung lâp tơnêi têa.

Tung la ngiâ, Kăn pơkuâ hnê ngăn Đảng ủy Dak Lak pơkâ thế râ ủy, ngế pơkuâ ngăn Đông tơkăng kong Hoà Hiệp Nam hnê thế pêi tơƀrê mâu pơkâ dêi hneăng hôp mâu kăn tung lâp tơnêi têa rôh má 14 dêi Đảng; pơtối tơmâng khât troh tơdroăng rêh ối, pêi lo tơmeăm khoăng, mơdêk ki rơkê plĕng tuăn ngôa ăm mâu  kăn ƀô̆, mâu lêng, malối cho mâu ngế hơngế dêi on veăng, ối pêi cheăng a Đông tung pơla Têt. Drêng vâ chê troh hơnăm nếo, pôa Lương Nguyễn Minh Triết, rơkâu mâu kăn ƀô̆, mâu lêng Đông gak tíu tơkăng kong Hòa Hiệp Nam tơtah Têt phiu ro, tơtô, tơniăn, pêi klêi hnoăng cheăng  ki hiăng pơcháu.