A rôh po tơdroăng kố, Ƀinh đoàn 15 ƀă Khu ngăn Cheăng kâ – Cheăng lêng 715 hiăng diâp lối hrĭng kơxuô tơmeăm ăm mâu ngế ki châ tơnêi têa tŏng gum, rơpŏng kơtiê. Khu pơkuâ Ƀinh đoàn 15 hiăng troh a hngêi pôu kơ-êng, hbru tơmeăm, rơkâu Têt mâu krâ pơlê, ngế pơkuâ thôn, ngế ki châ kuăn pơlê lou ƀă rơpŏng châ tơnêi têa gum; pôu, rơkâu Têt Đông Gâk tơkăng kong Ia O, râ ủi, kăn pơkuâ mâu cheăm Ia O ƀă Ia Krái. Thiê̆u tươ̆ng Hoàng Văn Sỹ - Tư lê̆nh Ƀinh đoàn 15 ăm ‘nâi, tơdroăng cheăng tơkŭm po ‘Hơngui tơkăng kong tơrŭm tuăn mơno leneg-kuăn pơlê” kô pơtối châ tơbleăng tơkŭm pi.

Rôh má 1, Ƀinh đoàn kô hbru 30 rơpâu kơxuô tơmeăm ăm kăn ƀô̆, ngế pêi cheăng ƀă Kuăn pơlê mâu thôn pơlê, gum 100 tâ̆n phon hưh cơ vi sinh ăm mâu tơdroăng “Xanh hóa Trường Sa” hơnăm 2026.