Kŏng an kong pơlê Lâm Đồng pơcháu 6 toăng hngêi hơ-ui gum a tíu tơkăng kong
Thứ tư, 05:00, 28/01/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Pơtối pêi pro Tơdroăng têa tah hngêi tơ’nhiê, xi kơchoh, Kŏng an kong pơlê Lâm Đồng nếo tơkŭm hiăng pro klêi, pơcháu tơ’nôm 6 toăng hngêi diâp ăm mâu rơpŏng ki ai tơdroăng rêh ối pá puât, xơpá a péa to cheăm tơkăng kong Thuận Hạnh ƀă Dak Wil.
Drêng xo khoă hngêi nếo, mâu rơpŏng kuăn pơlê tối ƀriê tung hiâm mơno ƀă pơtroh rơkong mơnê troh Khu kăn pơkuâ Kŏng an kong pơlê, râ ủi kăn pơkuâ kong pơlê ƀă mâu khu ki tŏng gum hiăng gum pro mâu toăng hngêi nếo lĕm krá.
Đăi tă Nay Gia Phú, Phŏ pơkuâ Kŏng an kong pơlê Lâm Đồng pơtroh rơkong rơkâu mâu rơpŏng ai mâu toăng hngêi nếo ƀă rơhêng vâ mâu rơpŏng kô mơjiâng châ tơdroăng rêh kâ ối phâi hơtôu, tơrŭm, rơtế ƀă khu Kŏng an rak vế kring vế, gak ngăn tơniăn a cheăm; tơdjuôm ivá, mơjiâng pơlê cheăm tơnêi têa kro mơdrŏng lĕm.
Viết bình luận