A Rôh  hôp, pôa Lương Nguyễn Minh Triết, Kăn pơkuâ hnê ngăn Đảng ủi kong pơlê Dak Lak tối nhên: Tơdroăng cheăng tâ phĭu cho tơdroăng pêi ki kal khât, châ tơbleăng tung pơla tâi tâng Đảng, tâi tâng kuăn pơlê phĭu ro drêng hiăng klêi tơniăn hneăng hôp mâu kăn tung lâp tơnêi têa rôh má 14 dêi Đảng ƀă hbrâ vâ tơdah Têt hơnăm nếo Bính Ngọ 2026.

Rêm râ ủi, mâu kăn, kơ koan, tíu pêi cheăng ƀă kong pơlê kal pơtối rak vế tuăn vâ dêi hnoăng cheăng tơná, hbrâ rơnáu, tơmâng pêi pro tro tơdroăng pơkâ, tơniăn pêi pro, tơƀrê ƀă hlối tro tiô pơkâ. Tơdroăng hnê tối ‘na tâ phĭu pơtối châ mơdêk, veăng gum mơdêk hlê plĕng dêi kăn ƀô̆, đảng viên ƀă kuăn pơlê ‘na hnoăng rêh ối ƀă ki pơxúa dêi kuăn pơlê, pro xiâm mơhnhôk tơ’noăng, vâ troh hâi leh kân dêi tâi tâng kuăn pơlê.

7.Kơxê hâi lơ 29/1, tâi tâng mâu kăn ƀô̆ xiâm dêi kong pơlê Champasak (Tơnêi têa Cộng hòa Dân chủ Nhân dân Lào) xua pôa Sú-phạp Thăm-mạ-hặc-sả  Phŏ kăn hnê ngăn Tỉnh ủy  pro ngế pơkuâ djâ khu kăn troh pôu, rơkâu têt tiô khôi hmâ dêi Việt Nam a kong pơlê Gia Lai. Phŏ kăn hnê ngăn Tỉnh ủy Champasak rơkâu Đảng ƀô̆, mâu kăn, mâu lêng ƀă kuăn pơlê tung kong pơlê Gia Lai pơtối cheăng châ tơƀrê hên; hlối loi khât a tơdroăng tơrŭm pơla 2 kong pơlê  hiăng diâp ăm dêi rơpó mâu tơmeăm ai pơxúa khât, mơhno ki tơrŭm krá, tơrŭm tŭm tơdroăng, pơla 2 tơnêi têa xuân môi tiah 2 kong pơlê.