Tơbleăng a rôh hôp, pôa Phạm Minh Chính, Ngế pro xiâm hnê ngăn tơnêi têa tối nhên tơdroăng tơbleăng rĕng Pơkâ hneăng Hôp kân tung lâp tơnêi têa rôh má 14 dêi Đảng, xua mê, kal tơkŭm po tơdrêng hlối rôh hôp vâ tối tơbleăng mâu pơkâ mê xúa tung rêh ối. Ngế pro xiâm hnê ngăn tơnêi têa tối, mâu tơdroăng hiăng pêi tơƀrê dêi hneăng kố nah cho xiâm ki mơhnhôk ăm tơdroăng tơ’noăng ki nếo ăm hneăng ki kố ƀă tơkŭm a 9 tơdroăng vâ pêi ki kân ‘na tơdroăng tơ’noăng môi tiah pôa Tô Lâm, Kăn xiâm pơkuâ hnê ngăn Đảng hiăng tối a hneăng hôp tơ’noăng pâ nhoăm tơnêi têa rôh má 11.

Tơdroăng tối, mê cho: Tơkŭm pơ’lêh nếo hriĕn plĕng ki nếo, mơnhông tơƀrê cheăng kâ - rêh ối, ‘mâi mơnhông tơnêi têa - kring vế tơniăn, túa lĕm tro ƀă mơjiâng khu cheăng kal kí rơdêi vâ djâ dêi tơnêi têa mot tung rơxông nếo rơdêi, hlối rơkê. Ing mê, pâ thế mơjiâng pơkâ, xing xoăng nhên ăm tơrêm kơ koan, tíu pêi cheăng vâ tơbleăng mâu tơdroăng mơhnhôk tơ’noăng.

Ngế pro xiâm hnê ngăn tơnêi têa pơkâ thế mơjiâng môi khu cheăng, tơdroăng pơkâ vâ pêi, tơdroăng cheăng pêi pro vâ tơbleăng mê tơdroăng tơ’noăng  nếo  tơtro ƀă pơ’lêh kơxô̆.