Kăn xiâm hnê ngăn tơnêi têa tối rơdêi tơdroăng ki péa pâ pơkâ mơdêk tơrŭm cheăng tâk troh cho Khu tơrŭm cheăng tung la ngiâ tŭm têk, kơlo tơrŭm cheăng kân rơdâ, tối tơbleăng tơdroăng ki ngăn nhuô̆m ƀă khŏm mơ-eăm ‘na cheăng kal kí dêi péa pâ vâ ăm tơrŭm cheăng Việt Nam – EU chiâng môi túa tơrŭm cheăng tơniăn lĕm.

Kăn xiâm hnê ngăn Hô̆i đong châu Âu – pôa António Costa mơnhên tối tơdroăng ki mơdêk tơrŭm cheăng pơla EU ƀă Việt Nam tâk troh Khu tơrŭm cheăng tung la ngiâ Tŭm têk cho môi tơdroăng pơkâ pêi pơxúa sap nah hâi chói ai, tơdrêng amê hlối mơhno troăng ngăn ki xŏn tơmiât troh la ngiâ dêi péa pâ. Tơkêa kố cho tơdroăng tơrŭm dêi 35 hơnăm pơla EU – Việt Nam tung tơdroăng tơpui kâ, loi nhuô̆m dêi rơpó ƀă tơhrâ tơdjuôm xua hơniâp lĕm, kro mơdrŏng.