Ing kố, Khu xiâm mơjiâng tơmeăm pơchân tơdroăng ki hriăn ngăn tơdroăng tơkêa bro kố athế pêi pro tŭm mâu pơkâ ‘na luât ‘na hnoăng pơkuâ ƀă kơxô̆ liăn ‘no dêi Tơnêi têa. Tung hlá mơ-éa chêh ‘na hriăn ngăn ‘no liăn pro troăng kân Pleiku-Buôn Ma Thuột-Gia Nghĩa tiô túa pơkâ ‘no liăn tơdjuôm krê, pơtroh ăm Đức Long-Gia Lai, Khu xiâm mơjiâng pro tơmeăm tối: tơdroăng tơkêa bro ai túa pơkâ kân, prôk tơkâ luâ hên kong pơlê ƀă ai xúa kơxô̆ liăn kong pơlê.

Xua mê, Khu xiâm mơjiâng pro tơmeăm tối tiah kố, tơdroăng ki hriăn ngăn ‘no liăn pro kal châ pêi pro tro pơkâ, tro hlá mơéa chêh pro tiô Luât ‘no liăn pro tiô túa pơkâ cheăng tơdjuôm krê, Luât ‘no liăn pêi cheăng tơdjuôm ƀă mâu hlá mơéa hnê mơhno pêi pro. Khu xiâm mơjiâng pro tơmeăm pơkâ thế Grup Đức Long Gia Lai pêi cheăng ƀă Vi ƀan hnê ngăn mâu kong pơlê Gia Lai, Dak Lak ƀă Lâm Đồng vâ tơbleăng tro tơdroăng.

Khu xiâm mơjiâng pro tơmeăm kô hnê chêh pro hlá mơéa klêi kơ’nâi châ xo tơdroăng pơkâ thế ki păng ‘nâng ƀă tơdroăng môi tuăn sap ing mâu kong pơlê ki ai tơdjâk troh.