Pêi pro tiô tơdroăng chêh Pơchân tối dêi Pôa, pôa Tô Lâm, Kăn xiâm pơkuâ hnê ngăn Đảng ƀă Khu kăn pêi cheăng pơtối tơrŭm môi tuăn dêi pó, tơdjuôm ivá môi mơno, mơdoh hâi chôu, drêng tơ’lêi hlâu, pơtối rak xiâm ki hiăng ai hlâu vâ tế mơ-eăm pêi mâu tơdroăng tiô pơkâ mơnhông tâi tâng, rơdêi, tơƀrê, chông djâ tơnêi têa mot tung rơxông mơnhông tơƀrê nếo - Rơxông mơnhông tơná dêi hdroâng mơngế Việt Nam;  Púi vâ đi đo hriâm tâp ƀă pêi pro tiô tuăn mơno  lĕm,  túa pêi cheăng lĕm dêi Pôa.  

Chêh a hlá mơ-éa chôu ‘măn tơbâ akố, pôa Tô Lâm, Kăn xiâm pơkuâ hnê ngăn Đảng chêh: “Tiô troăng Pôa, ngin kuăn đi đo vâ pêi tơdroăng ki pơxúa ăm tơnêi têa ƀă Kuăn pơlê mê ki ahdrối tâ, ki hdrối, rak ki tơrŭm dêi rơpó, rak tro luât, pêi cheăng tơdrăng, rơkong tơpui kŏng hlối pêi, achê kuăn pơlê, nhoăm kuăn pơlê, pêi cheăng xua kuăn pơlê.

A ngiâ um Pôa, ngin kuăn rak tuăn tơmiât ki tro tiô troăng prôk ki Pôa ƀă Đảng hiăng rah xo, ôh tá pơtê hvái ngăn tơná, rơnêu dêi tơná, pêi cheăng tá tuăn tá hiâm, cheăng pơxúa ăm Tơnêi têa, pơxúa ăm kuăn pơlê, khŏm mơjiâng tơnêi têa xông rơdêi, hơniâp ro kro mơdrŏng, kuăn pơlê phâi tơtô hơniâp ro.