Tơdroăng tơkêa bro RECAF châ tơbleăng pêi tung 6 hơnăm a mâu kong pơlê Dak Lak, Gia Lai, Lâm Đồng ƀă Khánh Hòa, tơkŭm kơjo kum pơ’lêh túa pêi cheăng tiô troăng pêi chiâk - pêt loăng rak ngăn kong tơrŭm ƀă krá ton, mơdêk rak ngăn kong ki chiâng xêh ƀă mơnhông mâu tơdroăng ki pơxúa ôh tá pro hía kong.

Tiô pơkâ, tơdroăng tơkêa bro kô veăng pro kơdroh dâng 6,89 rơtuh tâ̆n CO2 tơ’mô ƀă pơ’lêh 145.000 ha tơnêi kong pro tơnêi pêi chiâk, pêt kong tơrŭm krá ton hlối rak vế dâng 500.000 ha kong ki chiâng xêh ai pơxúa kân. Tơdroăng tơkêa bro RECAF tiô tối hdrối kô pro pơxúa kân tơdrêng ăm lối 420.000 ngế kuăn pơlê ƀă tơbleăng lâp lu ăm lối 1 rơtuh ngế châ xúa ing hơngế, veăng rak ngăn pôi tá tro lôi pá rŏng tung pơ’lêh ngiât lĕm bă mơnhôk rak ngăn kong krá tơniăn.