Kơxo lơ 27/1, pôa Lương Cường, Kăn xiâm hnê ngăn tơnêi têa pêi cheăng ƀă Ƀơrô cheăng Kăn xiâm hnê ngăn tơnêi têa ‘na tơbleăng pêi mâu hnoăng cheăng tơkŭm po Têt Lo hơnăm nếo Bính Ngọ hơnăm 2026. Klêi kơ’nâi hmâng pơchuât tơbleăng ƀă ăm rơkong veăng tơpui, Kăn xiâm hnê ngăn tơnêi têa môi tuăn ƀă mâu tơdroăng ki pơkâ mơ’no, tơdrêng amê hlối tối nhên pơkâ thế pêi pro kơtăng mâu troăng hơlâ, tơdroăng hnê mơhno dêi Khu xiâm pơkuâ tơdroăng cheăng kal kí, Khu pơkuâ ngăn Đảng ƀă rơkong hnê mơhno dêi mâu kơ koan ai tơdjâk troh tung tơkŭm po Têt.

Kăn xiâm hnê ngăn tơnêi têa pơkâ thế hbrâ rơnáu krâu mâu tơdroăng ki vâ gum kuăn pơlê ro Hơngui, tơdah Têt tơniăn, rơdêi, kơdĭng, pro chiâng ivá rơdêi sap ing apoăng hơnăm 2026. Pakĭng mê, kal tơkŭm po lĕm tro mâu tơdroăng pôu kơ-êng, rơkâu Têt mâu kăn ƀô̆ hneăng hdrối, rơpŏng ki châ tơnêi têa gum, ngế ki ai hnoăng, khu lêng kring vế ƀă mâu tíu pêi cheăng pêi dêi hnoăng cheăng a kơpong hngế hngo, kơpong xơpá, kơpong tơkăng kong, chuăn rơlố, rak vế tơniăn ăm rêm ngế kuăn pơlê châ tơdah Têt, phâi hơtôu.