Leh tơbleăng mê hiăng po ƀă pêi 11 tơdroăng mơhno tâi tâng tơdroăng, châ tơkŭm po a hên tíu xiâm ƀă tung kơpong achê dêi Đà Lạt. Ing mê, pơ-eăng ki lĕm dêi túa reăng mơhno pơtih rơnó hơngui, tơbleăng lâp lu um méa kuăn mơngế Đà Lạt têm rơpiêt, hlối lĕm, pâ hlế kơ tơmối; hlối veăng mơhnhôk hên ngế troh ôm hyô, tơbleăng inâi Đà Lạt - Lâm Đồng.

Kăn xiâm hnê ngăn  Vi ƀan bêng Xuân Hương - Đà Lạt  ăm ‘nâi, leh tơbleăng hiăng klêi la reăng mai anh đào xuân pơtối tơpo lâp lu kơphô̆, vâ mơhno tơdroăng ki lĕm ‘na mơngế Đà Lạt tung hiâm mơno tơmối ki troh, ing mê mơdêk tơbleăng um méa tíu troh dêi Đà Lạt - Lâm Đồng.