Tơpui pơxiâm po rôh hôp, pôa Phạm Minh Chính, Ngế pro xiâm hnê ngăn tơnêi têa tối nhên: Khu xiâm pơkuâ tơdroăng kal kí pơkâ 9 tơdroăng chuyên đề, tung mê ai tâi tâng tá mâu kơvâ cheăng ki kal dêi tơnêi têa môi tiah: cheăng kâ krê, cheăng kâ tơnêi têa, khăm pơlât, hnê hriâm, troăng hơlâ tŏng gum, cheăng kâ tơpui kâ, on tơhrik, túa lĕm tro. Kố cho tơdroăng ki kal vâ tơbleăng pêi pro 2 tơdroăng pêi 100 hơnăm.

‘Na tơbleăng Pơkâ 79 dêi Khu xiâm pơkuâ tơdroăng kal kí ‘na mơnhông cheăng kâ tơnêi têa, Ngế pro xiâm hnê ngăn tơnêi têa pơkâ thế mâu khu cheăng tung Khu hnê mơhno tơkŭm ăm rơkong veăng tơpui ‘na kơxop mơéa Pơkâ dêi Chin phuh pơkâ pêi pro Pơkâ 79 ƀă túa pơkâ “khŏm mơeăm khât, mơeăm kân, pêi pro kơtăng” ƀă klâ xoăng 6 nhên “nhên mơngế, nhên tơdroăng cheăng, nhên tơdroăng pro, nhên hnoăng pơkuâ, nhên hnoăng cheăng pôu râng ƀă nhên kế tơmeăm pro” vâ tơkŭm pêi pro châ tơƀrê.

Ƀă tơdroăng pơkâ pêo kơtăng, tơkŭm pêi pro tơniăn tơƀrê, Ngế pro xiâm hnê ngăn tơnêi têa rơhêng vâ mâu kăn tơkŭm tuăn mơno rơkê, ivá pêi cheăng, rơkong veăng tơpui vâ troăng hơlâ pơhlêh, ai mâu troăng hơlâ pơkâ pêi, troăng hơlâ tŏng gum vâ tơkŭm pêi pro.