Tơpui a leh hiăng pro klêi, pôa Lương Cường, Kăn xiâm hnê ngăn tơnêi têa tối rơdêi, kố cho tơdroăng ki kal, ôh ti xê hdró tơdroăng ki hiăng pro klêi ƀă ăm xúa môi to tơmeăm ki kal, mê ối mơhno tơdroăng tơrŭm krá tơniăn pơla khôi hmâ sap nah hâi chói ai dêi kăch măng Việt Nam, ƀă pơkâ thế mơjiâng Tơnêi têa luât pơkuâ xah hô̆i chuh ngiah Việt Nam, rơkê, krá rơdêi, Tơnêi têa dêi kuăn pơlê, xua kuăn pơlê, dêi kuăn pơlê, tung chal mơnhông nếo dêi hdroâng mơngế Việt Nam.

Vâ kơ koan pêi cheăng kố châ pơkuâ ngăn, xúa tơƀrê, Kăn xiâm hnê ngăn tơnêi têa pơkâ thế Ƀơrô cheăng Kăn xiâm hnê ngăn tơnêi têa cho tíu pêi cheăng tơdah xo pơcháu, pơkuâ ngăn tơrŭm ƀă Ƀơrô cheăng xiâm Đảng, Pơlê kong kân Hà Nội, khu ki xo pro, pơkuâ ngăn, xúa, pêi cheăng tơƀrê, tơniăn, ton xŏn kơ koan pêi cheăng. A rôh leh, pôa Tô Lâm, Kăn xiâm pơkuâ hnê ngăn cheăng Đảng prế pôa Lương Cường, Kăn xiâm hnê ngăn Tơnêi têa, rơtế ƀă mâu kăn pơkuâ Đảng, Tơnêi têa hneăng hdrối hiăng pêi pro tơdroăng cho poê ché hiăng pro klêi Tíu pêi cheăng Kơ koan pêi cheăng Kăn xiâm hnê ngăn Tơnêi têa.