Tơbleăng a rôh leh pơxiâm po Kơchơ Hơngui, pôa Phạm Minh Chính, Ngế pro xiâm hnê ngăn tơnêi têa tơmâng xo, khĕn kơdeăn ƀă mơnê khât Khu xiâm ngăn tê mơdró rơtế ƀă mâu khu xiâm, kơvâ cheăng kong pơlê, khu mơdró, krâm kuăn pơlê ƀă mâu vâi pú tung lâp lâi tơnêi hiăng veăng ‘no ivá, môi tuăn, mơ-eăm pêi, kơhnâ veăng ƀă tơkŭm po kơchơ Hơngui rôh má 1 hơnăm 2026 ƀă pơxiâm pêi mâu tơdroăng ai pơxúa khât.

Ngế pro xiâm hnê ngăn ăm ‘nâi, po kơchơ thế cho tíu ki hluăn a tơmeăm Việt, tơbleăng ƀă mơhno ki pơxúa inâi Việt Nam, hnê tối tơxâng, ki rơdêi ƀă “tơbleăng” inâi Việt Nam kơneăng hơngế, troh mâu kong têa tung lâp plâi tơnêi. Rêm tơmeăm cho môi “tíu teăng mâ’’ túa lĕm tro,  môi tíu tơbleăng tơmeăm thế cho môi “tíu mơđah” tơmeăm ki tơbleăng um méa Việt Nam rơkê ƀeăn, khên tơnôu, hơniâp lĕm, tơniăn hlối mơnhông tơƀrê.