Tung mâu tơdroăng pơkâ pêi, tơdroăng pêi pro tro ‘ló rah xo, Gia Lai châ pơkâ tơkŭm po tơdroăng kố. Ƀă inâi ‘Gia Lai – Kong ngo troh a têa kơxĭ drêh”, Hơnăm Ôm hyô tơnêi têa 2026 pơtroh tơdroăng tơdjêp tơniăn tro pơla kong ngo ƀă têa kơxĭ chuăn rơlố, pơla kong kế nhâ loăng ƀă túa lĕm tro, pơla tơdroăng ki rak vế ƀă mơnhông krá tơniăn.

Tiô Khu tơkŭm po, tơdroăng kố tiô tối hdrối ai 244 tơdroăng cheăng ôm hyô, túa lĕm tro, tơ’noăng ivá châ tơkŭm po tung hơnăm, ƀă tơdroăng veăng dêi Khu xiâm ngăn túa lĕm tro, Tơ’noăng ivá ƀă Ôm hyô, kong pơlê Gia Lai ƀă 22 to kong pơlê, pơlê kong kân ki ê tung lâp tơnêi têa; mâu tơdroăng cheăng pêi pro châ tơbleăng pêi tiô inâi tơrêm hneăng, rak vế tơkŭm po pơtối, tơkŭm po hên tơdroăng ƀă ăm tơmối rơhêng vâ lăm troh ngăn.