Mơhnhôk pêi pro sap hâi lơ 5/2/2025 drêng tơbâ 95 hơnăm Hâi mơjiâng Đảng, hneăng tơ’noăng chiâng rôh tơkŭm pêi pro tơdroăng kal kí, tuăn tơmiât trâu rơdâ, mơhnhôk hên ngế vâ tơ’noăng tung tâi tâng pơlê pơla ƀă mâu Lêng. Khu tơkŭm po tơdah xo lối 8.000 ƀai chêh dêi 5 túa bái chêh um mê cho: tơpui leăng, mơnhên rơdâ, chêh tối tơdroăng rơdroăng mê, um hlá tơbeăng ƀă glá tơbeăng hên cheh tối hên tơdroăng kố ki mê.

Hên mâu ƀai chêh tối tro hôm, tơxâng tiah troăng tơplâ. Khu ki châm điêm rah apoăng hiăng châm rah mâu ƀai ki tơxâng vâ pơtối tơ'noăng rah má péa nếo ai 116 ƀai ƀă hlối diâp pri ăm 66 ngế ki chêh, khu ki chêh mâu ƀai rơkê tơtro ‘ló, mê ai 5 pri A, 11 pri B, 55 pri C ƀă 25 pri mơhnhôk; diâp hlá mơ-éa kơdeăn khĕn ăm 10 khu pú hên ki ai hiăng rơkê kơhnâ tung tơdroăng tơkŭm po ƀă mơhnhôk tơ’noăng.

A rôh leh, mâu ngế chêh ƀai, khu chêh ƀai ki châ kâ pri hiăng châ pơ-eăng inâi. Pôa Tô Lâm, Kăn xiâm pơkuâ hnê ngăn Đảng ƀă  Đăi tướng Phan Văn Giang , Ngế xiâm pơkuâ ngăn lêng diâp pri A ăm 5 ngế ai ƀai chêh rơkê ó má môi dêi rôh tơ’noăng.