Rơvĭng reăng dêi Khu kăn pleăng ăm ai chư chêh “Đi đi pâ kơ pôa Hồ Chí Minh, Kăn xiâm hnê ngăn hneăng hdrối ki rơkê khât”. Tung chôu phut hmái hơtĭng, mâu kăn mơhno hiâm mơno nhoăm pâ, tơbâ hnoăng pêi cheăng kân kĭn dêi Pôa Hồ Chí Minh, Kăn xiâm hnê ngăn tơnêi têa ki apoăng, ngế ki hriăn mơjiâng, pơkuâ hnê mơhno hriâm pât tơdroăng cheăng Đảng Kŏng san Việt Nam.

Leh pôu ngăn po tung pơla lâp tơnêi têa koh tơbâ hiăng klêi tơniăn hneăng Hôp mâu kăn tung lâp tơnêi têa rôh má 14 dêi Đảng, ‘mâi mơnhông tuăn loi ƀă tơngah dêi kuăn pơlê. Ing hnoăng pơkuâ hnê mơhno dêi Đảng, tâi tâng kuăn pơlê, tâi tâng mâu lêng mơ-eăm pê klêi tơdroăng Pơkâ Hneăng hôp kân 14, Mơjiâng tơnêi têa hơniâp, tơniăn krê, kuăn pơlê môi tuăn, kro mơdrŏng, mơnhông kro kân, rơkê plĕng, hơniâp lĕm.