Pôa Trần Cẩm Tú, Kăn pơkuâ hnê ngăn tung khu Đảng teăng mâ kăn pơkuâ Đảng, Tơnêi têa hâk tơngăm diâp tơmeăm ki kơnía git kố. Tơpui a rôh leh, pôa Tô Lâm, Kăn xiâm pơkuâ hnê ngăn cheăng Đảng tối pôa tâ ƀriê tung hiâm mơno, pơtroh rơkong mơnê ó khât troh Đảng, troh mâu kăn pơkuâ hneăng hdrối ƀă mâu khu kăn, mâu kuăn pơlê hiăng loi, tŏng gum tung plâ hneăng pêi cheăng.

Kăn xiâm pơkuâ hnê ngăn cheăng Đảng tối rơdêi, 45 hơnăm ối tung Đảng, tơná pôa đi đo chôu vế rơkong rơhrâ dêi ngế đảng viên, cho môi hiâm mơno tơdrăng ƀă mâu tơdroăng pơkâ pêi, túa tơmiât pêi dêi Đảng; ôh tá la lâi pơtê hriâm pât, mơ-eăm xua tơniăn krê hdroâng mơngế tro ƀă chuh ngiah xah hô̆i, xua hơniâp lĕm dêi kuăn pơlê.