A rôh trâm mâ, pôa Phạm Minh Chính, Ngế pro xiâm hnê ngăn tơnêi têa sôk ro mâu khu mơdró Swiss ƀă châu Âu troh Việt Nam  drêng Việt Nam tơkŭm po klêi hneăng hôp mâu kăn tung lâp tơnêi têa rôh má 14 dêi Đảng, pơkâ mâ ngăn troh tơdroăng hdró 100 hơnăm mơjiâng Đảng ƀă 100 hơnăm mơjiang tơnêi têa.

Ƀă troăng hơlâ “Chin phuh pêi pro, khu mơdró pêi ahdrối, Tơnêi têa - kuăn pơlê rơtế veăng pêi, tơnêi têa mơnhông tơƀrê, khu mơdró ƀă kuăn pơlê hơniâp ro”, “Ôh ti xê tối ôh, ôh ti tối pá, ôh ti tối mê ôh ta pêi”, Ngế pro xiâm hnê ngăn tơnêi têa púi vâ khu mơdró Swiss ƀă châu Âu tơrŭm cheăng ƀă Việt Nam vâ Rơtế hmâng ƀă hlê pơla khu mơdró ƀă Tơnêi têa ƀă kuăn pơlê: “Rơtế tối tơdroăng ‘na mâ ngăn hlo ƀă pêi pro vâ tơrŭm, tŏng gum dêi rơpó mơnhông tơƀrê rĕng ƀă krá kak; rơtế pêi, rơtế ƀlêi trâng, rơtế xúa rơtế mơnhông; rơtế tơdjuôm sôk ro, hơniâp ƀă hâk tơngăm”.