A rôh tơdah, Péa ngế kăn pơkuâ hiăng môi tuăn péa tơnêi têa kal tơbêng tơrŭm cheăng ƀă tuăn loi tung cheăng kal kí, ăm Việt Nam ƀă Jordan chiâng mâu kong têa tơrŭm loi khât dêi rơpó a rêm kơpong, tơbleăng pêi ai pơxúa, tơƀrê ƀă nhên mâu tơdroăng tơhrâ, tơkêa pơla péa pâ, thăm mơnhông tơrŭm cheăng lêng – gâk kring, cheăng kâ, mơnhông krá tơniăn.

‘Na mâu tơdroăng tung lâp plâi tơnêi ƀă tung kơpong, péa pâ môi tuăn thăm mơnhông môi tuăn tŏng gum dêi rơpó ƀă tơrŭm cheăng ‘na túa tơmiât pêi tung tơdroăng loi nhuô̆m tơniăn krê, hnoăng pơkuâ, tŭm têk tơnêi tơníu dêi mâu kong têa, tŏng gum mâu tơdroăng tơxup tơbriât ƀă troăng hơlâ hơniâp lĕm, ing tơpui kâ tiô luât lâp plâi tơnêi ƀă Luât Khu lâp kong têa.