VOV4.Xơ Đăng - Pêi pro tơdroăng pơkâ dêi Khu xiâm ngăn Kŏng an ‘na bro 1.200 toăng hngêi hiâm mơno hơ-ui kum mâu rơpŏng xơpá a Dak Lak, ing tơdế khế 3/2024 nah troh nôkố, Kŏng an kong pơlê Dak Lak hiăng tơbleăng bro hngêi diâp ăm mâu rơpŏng kuăn pơlê.

VOV4.Xơ Đăng - Kŏng ti ngăn on tơhrik Dak Lak ƀă ƀuôn Mriu, cheăm Čư̆ Huê, tơring Ea Kar nếo klêi pro leh mơgêi 20 hơnăm tơrŭm pro nhŏng o.

VOV4.Xơ Đăng - A kong pơlê Gia lai, mâu hngêi trung râ má pái phôh thong dế mơdêk rơbot ƀai ton, mơnhông hlê hriâm ăm mâu hok tro ki vâ tơ’noăng mơgêi hriâm râ má pái phôh thong tơnêi têa hơnăm kố châ điêm hên, malối mâu hok tro kuăn ngo, hok tro kơpong kơtiê xơpá.

VOV4.Xơ Đăng - Klăng roh leh tơbâ 83 hơnăm Hâi mơngế hơnăm hiăng krâ Việt Nam (6/6) ƀă pêi pro ‘’Khế gum mơngế hơnăm hiăng krâ Việt Nam’’ hơnăm 2024, kong pơlê Dak Lak hiăng ai hên tơdroăng pêi ki kal khât, rak ngăn mơngế hơnăm hiăng krâ a kong pơlê.

VOV4. Xơ Đăng - Tơdroăng kố pêi pro tung 3 rôh, diâp 100 to pu pái đâi ăm 30 rơpŏng cho kuăn pơlê hdroâng kuăn ngo a mâu pơlê a kong pơlê Dak Lak.

VOV4.Xơ Đăng - Kong pơlê Dak Lak dế hbrâ mâu tơdroăng, mâu tơmeăm ƀă xoăng mâu ngế veăng pêi tơdroăng cheăng hbrâ vâ troh tơ’noăng mơgêi hriâm râ má pái phôh thong hơnăm 2024 châ tơniăn.

VOV4.Xơ Đăng - Lối 1 rơtuh ngế ki xơpá hiăng châ tŏng kum tung 6 khế apoăng hơnăm kố (2024), mê cho tơdroăng ki tối tơbleăng a rôh hôp mơgêi hnoăng cheăng khu lo tŏng veăng mâu kong pơlê a kĭng têa kơxĭ peăng tơdế Tơnêi têa – Tây Nguyên (Kơpong tơ’noăng kơxô̆ 6) tơkŭm po a kơxo lơ 3/6 a Dak Lak.

VOV4.Xơ Đăng - Hên tơring kong ngo kong pơlê Bình Định dế pêi pro Hnoăng cheăng xiâm tơnêi têa mơnhông pêi cheăng kâ-rêh ối pơlê pơla kơpong hdroâng kuăn ngo ƀă kong ngo. Pơla hdrối mê hía nah, đang viên, mơngế châ kuăn pơlê loi tơngah tơring kong ngo Bình Định hiăng thăm mơdêk hnê tối hên túa cheăng, gum kuăn pơlê hlê plĕng nhên tâ ‘na hnoăng cheăng, ki ai pơxúa dêi tơdroăng pêi ki kố.

VOV4.Xơ Đăng - Măng tĭng hdrối, a Roh hôp má 7, Kuô̆k hô̆i hneăng 15, hên mâu kăn hiăng tơmiât, tơpui tối hên ‘na kơvâ cheăng môi tiah rak tơniăn, krúa lĕm kế kâ, hbrâ tơpâ mơdât on chếo, hnê tơ’nôm hriâm tơ’nôm, mơjiâng thôn pơlê nếo. Mâu kăn hiăng pơkâ thế kal ai hên troăng hơlâ pêi pro ki rơhéa tâ, tơ’lêi tâ, dâi khât tâ tung hnoăng cheăng hbrâ, tơpâ mơdât on chếo kâ, ‘na séa mơnhên khŏm kâi châ mơdât tơdroăng ki ôh tá krúa lĕm kế kâ.

VOV4.Xơ Đăng - Tơdroăng “Hngêi hơtôu kong đoân” xua Khu ngăn tơdroăng pêi cheăng kong pơlê Dak Lak tơbleăng bro mâu hơnăm hdrối nah hiăng ai ivá tơdjâk troh lâp lu, mơhno hiâm mơno tŏng kum mâu ngế ki xơpá dêi đoân vên, kong nhân, ngế pêi cheăng. Ing tơdroăng kố, hên toăng “Hngêi hơtôu Kong đoân” châ bro, kum pêi pro tơdroăng tơmiât tơniăn ai hngêi ối, tơniăn pêi cheăng, bâ eăng hnoăng tŏng gum ăm hên rơpŏng ki ai ngế pêi cheăng ai tơdroăng rêh ối xơpá.