Vâ tơbleăng pêi tơdroăng kố, Kŏng an kong pơlê hiăng mơhnhôk thế 13 to kŏng ti mơjiâng pro ƀă lối 700 ngế pro rêm hâi, rơtế ƀă 300 ngế kăn ƀô̆, mố đô̆i veăng pro, gum vâ chê 5.500 hâi pro. Kŏng an mâu cheăm, bêng tăng ‘nâi plĕng ăm kăn pơkuâ bêng pơtroh tơ’nôm 4.973 ngế kŏng nhân troh a cheăm bêng.

Tung tâi tâng 176 toăng hngêi, troh nôkố hiăng pro klêi ƀă pơcháu 106 toăng. Ối 70 toăng, xua mâu rơpŏng vâi vâ tơ’nôm liăn vâ po rơdâ, ‘mêng pro hngêi ối, Kŏng an kong pơlê hiăng tơrŭm séa ngăn, vâ tơniăn tro ‘na tơdroăng ki gum mơngế, tro kơxô̆ liăn ƀă tơdroăng pro.

Thiê̆u tươ̆ng Phan Thanh Tám, Kăn pơkuâ Kŏng an kong pơlê Dak Lak tối rơdêi, tơdroăng ki pro klêi mâu toăng hngêi ki apoăng tung pơla iâ khế ôh ti xê djâ ki pơxúa tơdroăng rêh kâ ối mê ối cho tơdroăng veăng gum ivá ƀă mâu Kŏng an, Khu kăn pơkuâ hnê Đảng, kăn pơkuâ ƀă mâu kăn a cheăm bêng tung tŏng gum tơdroăng rêh kâ ối ăm kuăn pơlê, malối cho mâu rơpŏng ki ai hngêi tơ’nhiê xua khía mơhot têa kân lân lu pơla hdrối kố nah.