VOV4.Xơ Đăng -  Kơxo lơ 12/9, Khu pơkuâ hnê ngăn cheăng Đảng kong pơlê Dak Lak tơkŭm po Hneăng hôp mơgêi 20 hơnăm pro nhŏng o pơla mâu kơ koan, tíu cheăng, khu tê mơdró ƀă mâu pơlê kuăn pơlê hdroâng kuăn ngo tung kong pơlê hneăng hơnăm 2014 – 2024.

VOV4.Xơ Đăng - Kơxê lơ 11/9, a pơlê kong kơdrâm Kon Tum, Khu ngăn Đoân Droh rơtăm kong pơlê Kon Tum tơbleăng rôh tơlo liăn tŏng gum kuăn pơlê mâu kong pơlê peăng Kơnhŏng ‘mâi mơnhông dêi kế tơmeăm klêi kơ’nâi kong mê khía mơhot kân rôh má 3 plong mot.

VOV4-Xơ Đăng - Pôa Vũ Hải Quang, Kăn xiâm phŏ pơkuâ VOV lăm pôu ƀă veăng hơlêm 2 rơpŏng hngêi lêng kŏng an ki hiăng hlâ drêng pêi hnoăng cheăng hbrâ ví xía vâ khiá Yagi plong mot a Quảng Ninh.

VOV4.Xơ Đăng - Mâu hâi pơla hdrối kố nah, hên kơ koan, tíu pơkuâ cheăng, mâu khu ki ai hiâm mơno hơ-ui gum tung kong pơlê Dak Lak ƀă kong pơlê ki ê hiăng tơkŭm po hên mâu tơdroăng cheăng ki ai pơxúa kân khât, tơveăng gum liăn ngân, kế tơmeăm Têt Trung thu ăm vâi hdrêng, malối ƀă mâu vâi ‘nĕng kơtiê, ai tơdroăng rêh kâ ối xahpá, vâi ‘nĕng ối kơpong hơngế hơngo. Rơnó Trung thu hơnăm kố hiăng troh ƀă mâu vâi ‘nĕng a mâu thôn pơlê ƀă idrâp hơkâ xuăng prếo hơniâp ro ƀă mâu hiâm tuăn hơ-ui gum lĕm têm rơpiât. Khu chêh hlá tơbeăng cheăng a kơpong Tây Nguyên - Rơ’jíu Việt Nam ai chêh tối “Trung thu ăm o” a ƀuôn Tleh, cheăm Dleiya, tơring Krông Năng, kong pơlê Dak Lak.

VOV4.Xơ Đăng - Hơnăm hriâm nếo 2024-2025 hiăng troh. Veăng ai mâ ƀă xông tơpui a hâi leh pơxiâm mot hơnăm hriâm nếo a tơring Long Hồ, kong pơlê Vĩnh Long, pôa Trần Thanh Mẫn-Kăn xiâm hnê ngăn Kuô̆k hô̆i tối nhên, Đảng, ƀă Tơnêi têa pin đi đo vêh mơnhên hnoăng hnê hriâm cho troăng pêi pro ki kal kơjo kum má môi, mơ’no liăn ăm tơdroăng hnê hriâm cho mơ’no vâ mơnhông, gum ăm mâu tơdroăng ki lĕm tro vâ rak ngăn ăm hnoăng cheăng hnê hriâm.

VOV4.Xơ Đăng - Pêi pro tiô Tơdroăng pơkâ dêi tơnêi têa mơnhông cheăng kâ rêh ối pơlê pơla kơpong Hdroâng kuăn ngo ƀă Kong ngo pơla rôh má 1, ing hơnăm 2021 troh 2025, kong pơlê Kon Tum mơ-eăm tâi tâng mâu rơpŏng kuăn pơlê hdroâng kuăn ngo xuân ai tơnêi ối ƀă tơnêi pêi kâ.

VOV4.Xơ Đăng - Hơnăm hriâm nếo hiăng troh, la tơdroăng ki mâu vâi o hok tro a pơlê cheăm, tơring, kơpong xahpá, kơpong ki ai kơdrâm cho hdroâng kuăn ngo rêh ối ôh tá châ lăm hriâm tŭm a hngêi trung đi đo cho tơdroăng ki tô tuăn dêi mâu khu râ, kơvâ cheăng ngăn ‘na hnê hriâm a kong pơlê Dak Lak. mâu hâi ki kố, kăn ƀô̆, thái cô a mâu hgêi trung pá kong, pakĭng tơdroăng chêh tối mâu ƀai ki vâ hnê hriâm, mê vâi thái cô ối lăm troh a tơrêm toăng hngêi, mơhnhôk tơrêm ngế nôu pâ hok tro ƀă hiâm tuăn pói rơhêng vâ mâu vâi o troh a hngêi trung tŭm têk. Ƀă hiâm tuăn khŏm “Ôh tá ăm ai hok tro ki lâi xua trâm xahpá mê athế lo pơtê hriâm”, kơvâ hnê ngăn ‘na hnê hriâm ƀă hnê mơjiâng tuăn ngôa rơkê dêi kong pơlê Dak Lak hiăng tơkuăm pêi pro hên mâu tơdroăng cheăng ăm hok tro ahdrối vâ mot hơnăm hriâm nếo

VOV4.Xơ Đăng - Mâu troăng hơlâ tŏng gum hok tro kơpong hngế hngo, kơpong hdroâng kuăn ngo ki iâ mơngế tiô Pơkâ kơxô̆ 116 hơnăm 2016 ƀă Pơkâ 81 hơnăm 2021 dêi Chin phuh dế mơdêk tơƀrê a kong pơlê Dak Nông.

VOV4.Xơ Đăng - Môi tung mâu tơdroăng ki châ rêm khu râ, mâu kuăn pơlê tung lâp tơnêi têa rơhêng vâ ‘nâi plĕng má môi a măng tĭng hdrối mê cho Kuô̆k hô̆i hiăng tơkŭm po Hneăng hôp ôh tá tối hdrối roh má 8, vâ mơnhên ngăn hnoăng cheăng ‘na rah xo mơngế pro kăn tung khu kăn xiâm. Kơnôm ai tơdroăng pơkuâ ngăn dêi pôa Trần Thanh Mẫn - Kăn xiâm hnê ngăn Kuô̆k hô̆i, mê Kuô̆k hô̆i hiăng kĭ pơkâ vâ rah xo 3 Ngế pro xiâm phŏ hnê ngăn Chin phuh; Ngế xiâm rak ngăn ‘na tơmeăm khoăng tung têa - tơnêi ƀă hyôh kong prâi; Khu xiâm ngăn ‘na Luât; pôk Kăn xiâm hnê ngăn tơdroăng tơleăng ƀă Ngế xiâm séa ngăn ‘na arak luât tơnêi têa hneăng hơnăm 2021-2026.

VOV4.Xơ Đăng - Măng tĭng hdrối, a Roh hôp roh má 36, Vi ƀan hnê ngăn Kuô̆k hô̆i hiăng tơkŭm po roh êng tiâ tơdroăng ki rak vế, pêi pro mâu tơdroăng pơkâ dêi Vi ƀan hnê ngăn Kuô̆k hô̆i ‘na séa mơnhên ngăn tơdroăng cheăng pêi pro hnoăng ki kố. Kuăn pơlê dế rơhêng vâ ‘nâi nhên mâu tơdroăng ki xiâm ki tơdjâk ‘na rêh ối, pêi cheăng nôkố, môi tiah yă on tơhrik, on tơhrik kơtâu ƀă khía, hyôh tô, rak tơniăn yă têa kơxăng, têa châu; yă tê ‘na tơmeăm khoăng, tơdroăng ki ro tro châi klêa ƀă hlâ hên hĕng klêi kơ’nâi pâk vaccine êi pro kéa lo po pom a kong pơlê Lâm Đồng.