VOV4.Xơ Đăng - Pơla hdrối mê hía nah, drêng koh tơbâ 62 hơnăm hâi mơjiâng Khu kăn sat hbrâ - tơpâ - mơdât on chếo ƀă tŏng xo, veăng kum, 22 hơnăm hâi Tâi tâng kuăn pơlê hbrâ - tơpâ - mơdât on, tŏng xo, veăng kum kuăn pơlê hliăng tiâ, xahpá.

VOV4.Xơ Đăng - Peăng xêi hâi 6/10, a Hngêi trung Đăi hok Tây Nguyên, pơlê kong kơdrâm Ƀuôn Ma Thuột, Vi ƀan hnê ngăn kong pơlê Dak Lak hiăng tơkŭm roh Hôp vâ tăng cheăng pêi, pơxiâm mơjiâng tơdroăng cheăng pêi ki hơ’lêh nếo ki hloh hlê rơkê plĕng a mâu kong pơlê dêi kơpong Tây Nguyên hơnăm 2023.

VOV4.Xơ Đăng - Hâi lơ 6/10, a pơlê kong kơdrâm Ƀuôn Ma Thuột po Kơchơ tăng cheăng pêi kong pơlê Dak Lak hơnăm 2023 pơxá “Tơdjêp tăng cheăng pêi - rôh tăng cheăng pêi - Po rơdâ tung la ngiâ’’.

VOV4.Xơ Đăng - A leh tơbleăng Liăn ‘măn kơdĭng Mơhnhôk hriâm kong pơlê Dak Lak, mâu khu tơrŭm cheăng mâu ngế ai tuăn hơ- ui hiăng diâp ăm 2,7 rơtal liăn vâ xúa ăm mâu tơdroăng mơhnhôk hriâm a kong pơlê.

VOV4.Xơ Đăng - Pêi cheăng ai pơxúa vâ troh hâi leh tơbâ 69 hơnăm hâi châ tơleăng lĕm pơlê kong xiâm hâi lơ 10/10, kơmăng hâi lơ 3/9 pơlê kong kân Hà Nội hiăng tơkŭm po Leh mơhnhôk pêi cheăng tung khế “Xua mơngế kơtiê ƀă tơniăn tơdroăng rêh ối” hơnăm 2023.

VOV4.Xơ Đăng - A pơlê kong kơdrâm Đà Lạt, kong pơlê Lâm Đồng drêng troh mơ’nui khế 9 hiăng po Hneăng hôp Hô̆i đong pơkâ xing xoăng tơdroăng cheăng kơpong Tây Nguyên roh má môi. Hneăng hôp roh kố xua pôa Trần Lưu Quang, Ngế pro xiâm phŏ hnê ngăn Chin phuh pơkuâ xiâm, kơnôm ai tá tơdroăng ki teăng mâ mâu khu râ, kơvâ cheăng dêi tíu xiâm tơnêi têa ƀă kong pơlê, tơno tơnêng ‘na troăng hơlâ, túa cheăng vâ thăm mơdêk kơpong Tây Nguyên châ mơnhông.

VOV4.Xơ Đăng - Vêh mơnhên ‘na tơdroăng ki ‘mâi rơnêu tung chêh bro hlá mơ-eá, cho ki xiâm ki kal dêi tơdroăng mơnhông mơdêk pêi cheăng kâ, tơtro tiô tơdroăng pơkâ hnoăng cheăng chal nếo, kong pơlê Dak Lak hiăng vêh mơnhông ‘na tơdroăng xahpá, pêi pro adrêng mâu troăng hơlâ, túa cheăng cho vâ mơdêk ki châ tơƀrê ‘na hnoăng cheăng chal nếo, thăm mơnhông ‘na tơdroăng pêi cheăng kâ - rêh ối pơlê pơla dêi kong pơlê châ tơtêk. Hơnăm nah, kong pơlê Dak Lak hiăng tâk châ kơlo má 32 ‘na kơxô̆ ki hâk vâ môi tuăn dêi kuăn pơlê, ối má 27 tung lâp tơnêi têa.

VOV4.Xơ Đăng -  Kơxê hâi lơ 28/9, Viettel Dak Lak tơrŭm ƀă Khu xiâm ngăn hnê hriâm ƀă hnê tuăn ngôa rơkê, Khu mơhnhôk hriâm kong pơlê Dak Lak tơkŭm po tơdroăng diâp hnoăng liăn hriâm “Xua o kơhnâ mơ-eăm hriâm” hơnăm 2023-2024.

VOV4.Xơ Đăng - Pơtối tơdroăng rôh hôp má 26, hâi lơ 28/9, Vi ƀan pơkuâ cheăng Kuô̆k hô̆i hôp (rôh má 3) ăm hnê tối (rôh má 2) ‘na tơdroăng tơmâng xo, ‘mâi hơ’lêh tơdroăng tơkêa luât Tơnêi tíu ki (‘mâi hơ’lêh).

VOV4.Xơ Đăng - Kơxê hâi lơ 26/9, a tíu pêi cheăng Kăn xiâm hnê ngăn tơnêi têa, pôa Võ Văn Thưởng, Kăn xiâm hnê ngăn tơnêi têa trâm mâ mâu Kăn rak Liăn kơdĭng Vừ A Dính ƀă Kâu lăk ƀô̆ Xua Hòang Sa  ƀă Trường Sa mơjo pâ.