VOV4.Xơ Đăng - Pơtối hneăng hôp má 8, Hô̆i đong kong pơlê Dak Lak hneăng má X, hneăng hơnăm 2021 – 2026, kơxo lơ 11/7, mâu kăn teăng mâ tơpui tơno a tôh.

VOV4.Xơ Đăng - Troh nôkố tơdroăng ki tŏng kum phái ăm mâu rơpŏng ki pêt kong ƀă mơnhông pêt kong pakĭng xo loăng a kong pơlê Kon Tum xuân tá hâi châ pêi pro.

VOV4.Xơ Đăng -  Jâ Võ Thị Ánh Xuân, Kăn xiâm phŏ hnê ngăn tơnêi têa nếo troh têk nhang ăm mâu ngế Khên tơnôu a ilâng kiâ ai hnoăng tơnêi têa Đường 9; ilâng kiâ mâu hlâ ai hnoăng tơnêi têa Trường Sơn; Tíu tơbâ dêi pôa Lê Duẩn, Kăn xiâm pơkuâ hnê ngăn Đảng hneăng hdrối a Pơlê xiâm Quảng Trị ; lăm pôu, hbru tơmeăm ăm mâu ai hnoăng tơnêi têa kong pơlê Quảng trị.

VOV4.Xơ Đăng - Mâu hơnăm hiăng hdrối mê hía nah, pơlê kong krâm Ƀuôn Hồ, kong pơlê Dak Lak hiăng tơkŭm pêi pro mâu tơdroăng vâ mơnhông pêi cheăng kâ-rêh ối pơlê, chôa ‘lâng pơhlêh kơlo cheăng dêi kuăn pơlê. Tơdroăng cheăng kâ hiăng châ tơtêk mê, vâi krâ-nhŏng o mâu pơlê cheăm thăm rế tơniăn mô hiâm mơno vâ tơrŭm cheăng, veăng ‘no dêi ivá mơjiâng pơlê rế hiá rế krá tơniăn, veăng mơnhông pơlê kong krâm Ƀuôn Hồ chiâng môi kong pơlê ki kro mơdrŏng kân dêi kong pơlê.

VOV4.Xơ Đăng - Klêi kơ’nâi Hneăng hôp má 7, Kuô̆k hô̆i hneăng 15 hiăng klêi, Khu kăn teăng mâ Kuô̆k hô̆i mâu kong pơlê a kơpong Tây Nguyên hiăng tơkŭm trâm mâ kuăn pơlê. A mâu roh trâm mâ, kuăn pơlê hiăng mơhno tối tơdroăng ki hơniâp ro drêng Kuô̆k hô̆ hiăng mơ’no mâu tơdroăng pơkâ ki kal vâ thăm mơdêk Tây Nguyên châ mơnhông. Tơdrêng amê, pơtối mơhno tối hên tơdroăng ki ôh tá tơniăn a kong pơlê, kal athế châ tŏng gum, tơleăng mơnhên.

VOV4.Xơ Đăng - Sap apoăng hơnăm troh nôkố, mâu khu mơdró tung kong pơlê Dak Lak hiăng mơnhông pro tơmeăm ƀă tăng mơngế pêi cheăng. Mâu kŏng ti tơbleăng kơlo liăn khế ƀă hên tơdroăng tŏng gum la xuân ối trâm hên xơpá tung tơdroăng tăng mơngế pêi cheăng.

VOV4.Xơ Đăng - Kơxê hâi lơ 4/7, a Plei Ku, kong pơlê Gia Lai, Khu tơ’noăng kơxô̆ 3, Kŏng đoân Viên chưk Việt Nam tơkŭm po diâp liăn gum pro hngêi tuăn pâ  ăm 1 ngế đoân viên kŏng đoân ƀă hbru 300 to theh ƀaoh hiêm khăm pơlât ăm  mâu ngế kuăn ngo ki kơtiê xơpá.

VOV4.Xơ Đăng - Tơmiât troh koh tơbâ 80 hơnăm Hâi mơjiâng Khu lêng kuăn pơlê Việt Nam ƀă 35 hơnăm hâi mơjiâng ƀă hâi lâp kuăn pơlê veăng pring vế, gak ngăn tơnêi têa, pơla hdrối kố nah, Khu pơkuâ ngăn lêng tơkuăm po tơdroăng trâm mâ mâu ngế ki kơhnâ rơkê “Bâ eăng hiâm mơno lĕm Mô đô̆i Pôa Hồ”. Ing mê vâ pro mơnhên ki lĕm tro dêi “Mố đô̆i pôa Hồ” châ tơkuăm ing tơdroăng pâ nhuô̆m tơnêi têa dêi hdroâng mơngế; tơdroăng hnê ‘măn, rơnêu pât ki Đảng pin ƀă Hồ Chí Minh - Kăn xiâm hnê ngăn tơnêi têa hneăng apoăng hiăng hnê mơhno, bro mơjiâng.

VOV4.Xơ Đăng - Hâi lơ 2/7, Khu râ kăn teăng mâ Kuô̆k hô̆i kong pơlê Gia Lai hiăng ai roh trâm mâ kuăn pơlê a tơring Krông Pa ƀă Pơlê krâm Ayun Pa.

VOV4.Xơ Đăng - Kơxo lơ 2/7, a Pơlê kong kân Cần Thơ, pôa Trần Thanh Mẫn, Kăn xiâm hnê ngăn Kuô̆k hô̆i ƀă Khu râ kăn pêi cheăng hiăng lăm pôu, diâp kơxuô tơmeăm rơpŏng ai troăng hơlâ tơnêi têa tŏng kum, mơngế ai hnoăng ƀă kăch măng ki má môi klăng roh leh tơbâ 77 hơnăm hâi mô đô̆i rong râ hlâ hía.