Veăng leh ai mâu kăn Tỉnh ủy, Vi ƀan kuăn pơlê dêi kong pơlê rơtế ƀă vâ chê 100 ngế ƀok yah chíng ƀok phop. Lâm Đồng nôkố ai 24 khu tơrŭm ngăn tơdroăng loi tĭng tiô khôp châ mơnhên ƀă lối 1,67 rơpâu ngế tiô khôp, 3,500 ngế ƀok ƀă vâ chê 1.300 hngêi khôp ki tro luât. Mâu tơdroăng cheăng ‘na loi tĭng tiô khôp tơniăn, pro tro luât, ƀă tơdroăng “reh ối lĕm ‘na châ  ƀă ‘na mơhúa”, “ Rơté ƀă hdroâng mơngế”.

Tơbleăng  a rôh hôp, jâ Phạm Thị Phúc, Phŏ kăn hnê ngăn  Tỉnh ủy, Kăn hnê ngăn Vi ƀan Măt trâ̆n tơnêi têa kong pơlê pơkâ thế rêm râ ủy, mâu kăn pơtối tơmâng khât, pro hlâu ăm tơdroăng to khôp. Pakĭng mê, púi vâ  mâu ƀok yah, mâu ngế kum pêi tơdroăng khôp  pơtối rak vế hnoăng cheăng, tơrŭm dâi rơpó  mâu kăn ƀa kuăn pơlê, pêi tro hoăng dêi kuăn pơlê, veăng mơnhông Lâm Đồng xông tơƀrê.