Cheăm kong ngo Măng Ri (Quảng Ngãi) “rĕng pê” pro nếo hngêi ối ăm kuăn pơlê hdrối Tết
Thứ sáu, 10:00, 05/12/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơxo hâi lơ 4/12 , a thôn Chung Tam, Vi ƀan Kuăn pơlê cheăm Măng Ri, kong pơlê Quảng Ngãi tơkŭm po leh mơhnhôk pêi pro “Mơhnhôk pêi Quang Trung - rĕng pro hngêi nếo, tơniăn tơdroăng rêh ối ăm kuăn pơlê cheăm Măng Ri”.
Sap nôkố ta troh Tết lo hơnăm nếo Bình Ngọ 2026, cheăm Măng Ri kô pro hngêi nếo 80 toăng ăm kuăn pơlê. Rêm toăng hngêi nếo pro mê kô châ kơjo kum 60 rơtuh liăn/rơpŏng ƀă mơhnhôk tăng mâu ngế veăng pro hngêi, tơniăn ăm kuăn pơlê rĕng ai hngêi ối tơniăn.
Pôa Phạm Xuân Quang, Kăn hnê ngăn Vi ƀan Kuăn pơlê cheăm Măng Ri, ăm ‘nâi, ƀă tơdroăng veăng tơmâng khât kơtăng ƀă ing ‘nâi tơrŭm dêi rơpó dêi kuăn pơlê, Măng Ri kô rĕng pê pro klêi hngêi ối nếo ăm kuăn pơlê châ teăm tơdah Têt hơnăm nếo Bính Ngọ 2026 tung tơdroăng rêh ối tơniăn, tơtô.
Viết bình luận