VOV4.Xơ Đăng - Hâi lơ 13/9, a pơlê kong kơdrâm Plei Ku, kong pơlê Gia Lai tơkŭm po Hneăng hôp tơpui tơno ‘na tơdroăng “Mơnhông mơdêk hnoăng vâi kơdrâi kăn ƀô̆ ƀă tơdroăng pêi pro troăng hơlâ tŏng kum ƀă mâu khu vâi kơdrâi ki phá tơ-ê’’ kơpong peăng tơdế Tơnêi têa – Tây Nguyên.

VOV4.Xơ Đăng - Tung pơla kố nah, ƀă tơdroăng tơmâng tŏng kum dêi Đảng ƀă Tơnêi têa hên troăng hơlâ, tơdroăng pêi, tơdroăng tơkêa bro mơ’no liăn cheăng a kơpong kuăn pơlê hdroâng kuăn ngo a Dak Lak hiăng ƀă dế mơnhông châ tơƀrê, ngiâ méa mâu tíu kuăn pơlê hdroâng kuăn ngo rêh ối rế hía rế xông tơtêk, tơdroăng rêh ối kuăn pơlê rế hía rế mơdêk.

VOV4.Xơ Đăng - Kơxo lơ 10/9, Khu xiâm pơkuâ Đoân Droh rơtăm Kŏng san Hồ Chí Minh, Hô̆i đong Đô̆i Tơnêi têa tơrŭm ƀă Vi ƀan Khôi túa lĕm tro, Hnê hriâm dêi Kuô̆k hô̆i, Ƀơrô Kuô̆k hô̆i tơkŭm po roh hôp  mơnúa pơkâ pro dêi Kuô̆k hô̆i ki pơkuâ ngăn ‘na vâi hdrêng’’ roh má I.

VOV4.Xơ Đăng - Hdrối mê hía nah, Hà Nội hiăng po hneăng hôp tơbleăng luât, pơkâ dêi Kuô̆k hô̆i hneăng 15. Tơbleăng a hneăng hôp tối tơdroăng, pơ’lêh nếo tơdroăng hnê tối ‘na luât ăm tơtro ƀă mâu ngế, ‘na tíu ối, ma lối cho ƀă hdroâng kuăn ngo ƀă kong ngo.

VOV4.Xơ Đăng -Mơhé cheăng kâ ối trâm hên xơpá, la Chin phuh xuân tơmâng khât troh tơdroăng kơdroh kơklêa, xăm kơtiê ƀă hên tơdroăng, luât pơkâ. Tiô riân dêi khu xiâm ngăn mố đô̆i tro rong ƀă rêh ối pơlê pơla, hơnăm 1993, kơxô̆ rơpŏng pơtiê tung lâp tơnêi têa ai 58% troh hơnăm 2020 ối 2,75% ƀă hơnăm 2021 ai 2,23%. Việt Nam hiăng pê klêi tơdroăng pơkâ rơpâu hơnăm dêi Khu lâp kong têa ‘na kơdroh kơklêa xăm kơtiê ƀă châ mâu kong têa tung lâp plâi tơnêi khê̆n kơdeăn cho tíu ki bâ eăng ‘na kơdroh kơklêa xăm kơtiê tung lâp plâi tơnêi. Tung la ngiâ, Chin phuh troăng rơhlâ pơtối pê klêi luât pơkâ tơdjêp mơnhông mơdêk cheăng kâ-rêh ối pơla kơpong xơpá ƀă kơpong ki xông tơƀrê. Mơdêk tuăn mơ-eăm pêi

VOV4.Xơ Đăng  - Mơjiâng tơrŭm cheăng ƀă khu râ Đảng, khu kăn pơkuâ cheăm, tơring, mơdêk rơdêi hnoăng cheăng tơrŭm bro nhŏng o ƀă kuăn pơlê hdroâng kuăn kơpong hngế hngo, kơpong tíu tơkăng kong cho túa pơkâ châ mâu tíu pêi cheăng ối tung Khu pơkuâ ngăn lêng kong pơlê Dak Lak mơnhên tung rôh lo lăm pêi dêi hnoăng cheăng mơhnhôk tung khế 8 pơla hdrối kố nah.

VOV4.Xơ Đăng - Kơxo ah cho lơ 5/9 cho hâi pơxiâm mot hơnăm hriâm nếo. Môi tơdroăng ki châ kuăn pơlê, mâu nôu pâ, mâu hok tro tơmâng ngăn, mê cho hlá mơ-éa hriâm. Pơla hdrối kố nah, Vi ƀan pơkuâ Kuô̆k hô̆i ‘na hơ’lêh nếo tơdroăng hnê hriâm, hlá mơ-éa hriâm phôh thong”. Vi ƀan pơkuâ Kuô̆k hô̆i pơkâ thế Khu xiâm ngăn hnê hriâm ƀă hnê mơjiâng tuăn ngoâ rơkê athế tơkŭm chêh bro môi khu kơxop hlá mơéa hriâm tŭm sap ing lâm 1 troh lâm 12.

VOV4.Xơ Đăng - Ƀă túa pơkâ “hnê chư, pơtroh tơdroăng loi tơngah”, sap ing hơnăm 2016 troh nôkố Mố đô̆i gak tơkăng kong dêi kong pơlê Dak Nông hiăng tơbleăng mâu tơdroăng môi tiah “kuăn roăng đông mố đô̆i gâk tơkăng kong”, “mơdêk hvêa chêng o troh hngêi trung” môi túa cheăng ki ai pơxúa, ki tơƀrê.

VOV4.Xơ Đăng - Hâi lơ 30/8, Khu râ kăn pêi cheăng dêi Khu xiâm pơkuâ hnê hriâm ƀă hnê mơjiâng tuăn ngôa rơkê xua pôa Nguyễn Kim Sơn, Ngế xiâm pơkuâ djâ lăm séa ngăn tơdroăng hbrâ ăm hơnăm hriâm nếo ƀă diâp kơxuô tơmeăm ăm hok tro kơpong hơngế hơngo kong pơlê Dak Nông.

VOV4.Xơ Đăng - Hâi lơ 28/8, Khu Ngăn mâu droh rơtăm Việt Nam kong pơlê Dak Lak tơrŭm ƀă Khu sinh viên Việt Nam tơkŭm po tơdroăng trâm mâ ƀă khĕn kơdeăn sinh viên hdroâng kuăn ngo kơhnâ rơkê.