Klêi kơ’nâi tơdrêng troh lăm pôu 4 rơpŏng ki kơhnâ rơkê, jâ Nguyễn Thị Thanh, Phŏ Kăn xiâm hnê ngăn Kuô̆k hô̆i hiăng trâm mâ, diâp kơxuô tơmeăm pâ mơnê ăm 100 ngế ai hnoăng ƀă kăch măng tung pơlê kong kơdrâm Đà Lạt.

Phŏ Kăn xiâm hnê ngăn Kuô̆k hô̆i tối nhên, Đảng ƀă Tơnêi têa đi đo tơtrŏng pêi pro troăng hơlâ kơjo mơngế ai hnoăng, tơdrêng amê pơkâ thế Lâm Đồng pơtối mơdêk mâu tơdroăng pêi pro ‘’pâ mơnê mơngế ai hnoăng’’. Kong pơlê nôkố ai lối 21.000 ngế mô đô̆i hlâ tung tơplâ xâ, 11.000 mô đô̆i rong râ ƀă lối 40.000 ngế veăng tung tơplâ xâ.

Pakĭng 100 kơxuô tơmeăm diâp ăm roh kố, jâ Nguyễn Thị Thanh xuân mơhnhôk mâu khu ngế ai hiâm mơno tŏng gum, tŏng gum tơ’nôm 400 hnoăng kơxuô tơmeăm pơtroh mâu rơpŏng ai hnoăng a Lâm Đồng, Dak Nông ƀă Bình Thuận ton nah.