Ngế pro xiâm hnê ngăn tơnêi têa tối nhên Việt Nam hbrâ rơnáu tối ‘na ki rơkê plĕng ‘na túa ki pơhlêh, vêh pơkâ khu mơdró kâ Tơnêi têa, tơbleăng tối mơéa luât ƀă túa pơkâ pơkuâ ngăn, xuân môi tiah mâu túa pơkâ mơhnhôk tơlo liăn ƀă pơkuâ ngăn tơdroăng ki ‘no liăn pêi cheăng; pơkâ thế péa pâ chêh pro túa pơkâ tơpui tơno đi đo ƀă dêi rơpó pơla mâu kơ koan ki ai tơdjâk, malối cho tơdroăng ki tối tơbleăng ki rơkê plĕng tung tơdroăng ki ai khât a mâu Kŏng ti xiâm, Grup pơkuâ tơnêi têa dêi Việt Nam kô gum pro chiâng ai tíu ngăn tŭm têk, trâu rơdâ vâ rah xo, xúa tơtro ƀă tơdroăng ki ai khât dêi Lếo.

Pôa Saleumxay Kommasith, Phŏ Ngế pro xiâm hnê ngăn kong têa Lếo tối nhên tung pơla mơjiâng ivá cheăng kâ tơniăn krê, pêi pro xêh, Lếo đi đo tơrŭm krá tơniăn ƀă rơhêng vâ hriâm ƀối mâu tơdroăng ki rơkê plĕng kơnía ing Việt Nam, malối cho tung kơvâ pơkuâ ngăn ƀă mơjiâng khu mơdró kâ tơnêi têa, túa pơkâ pêi pơkuâ ngăn nếo, tơmiât troh mơjiâng tơdroăng cheăng kâ Lếo ƀă xúa tơƀrê, krá tơniăn ton.