Tung toăng hngêi dêi Nôu Việt Nam khên tơnôu Võ Thị Đủ (97 hơnăm), ối a cheăm Đông Sơn, kong pơlê Quảng Ngãi, kơdrâm rơkong tó. Rêm hâi, mâu kăn ƀô̆, mâu lêng Khu pơkuâ mô đô̆i kong pơlê Quảng Ngãi, kơdrâm rơkong tó. Rêm hâi, mâu kăn ƀô̆, mâu mô đô̆i Khu xiâm pơkuâ mô đô̆i kong pơlê Quảng Ngãi, Khu pơkuâ mô đô̆i cheăm, khu lêng kuăn pơlê ƀă đoân viên droh rơtăm cheăm troh lăm kơ-êng, tơpui tơno, tŏng gum nôu Võ Thị Đủ kơpui văng hngêi trăng. Kơnố ƀă péa ngế kuăn kơnốu dêi nôu pơrá veăng mâu roh tơplâ xâ gâk kring Tơnêi têa ƀă tơdroăng ki pleăng mơheăm chá a tíu tơplâ xâ. Drêng tơnêi têa hơniêp lĕm, nôu Võ Thị Đủ đi đo tơdah châ tơdroăng tŏng gum, rak ngăn đi đo dêi kăn ƀô̆, mô đô̆i ki ối a tung pơlê xiâm.

‘’Nôkố Nôu hiăng krâ ôh tá pá hro, ôh tá kâi lăm prôk u lâi ôh ôh tá chiâng pêi ki klâi ôh. Kơnôm nhŏng o mô đô̆i tŏng gum ăm Nôu hngêi ối ăm rơnguôt lĕm, păng ‘nâng rơnó kố kong tô ó ‘nâng xua mê kơhâi dế thế klĭng péa. Mê ối koi mê tơmiêt tung ko hên tơdroăng ki tâi ki tá. Hâi kố châ nhŏng o troh lăm pôu ăm ki kố, ki tá ƀă pro ăm hngêi, trăng tŏng gum ăm á hên hĭn ki kố ki tá, Nôu mơnê ƀă phiu ro hên ‘nâng’’.

A kong pơlê Quảng Ngãi, lối 6.800 Nôu châ diâp, diâp ăm mâu ngế hlâ hiá inâi Jâ Nôu Việt Nam khên tơnôu, nôkố 106 Nôu ối rêh. Tung mê, Khu pơkuâ Mô đô̆i kong pơlê Quảng Ngãi tơdah rak ngăn troh tá ah 21 Nôu. Mâu hơnăm hiăng hluâ, kăn ƀô̆, mô đô̆i khu mô đô̆i kong pơlê Quảng Ngãi đi đo pêi pro tơtro tơdroăng rak ngăn, rak ngăn Nôu Việt Nam khên tơnôu, ngế ai hnoăng ƀă kăch măng, mâu rơpŏng ai hnoăng. Pôa Lê Văn Công, Phŏ Kăn pơkuâ, Khu pơkuâ Mô đô̆i cheăm Đông Sơn, kong pơlê Quảng Ngãi tối ăm ‘nâi:

‘’Á hlo tơdroăng pêi cheăng kố ai kơnâ khât, kum ăm vâi hdrêng nôkố hlê plĕng châ ki kơnâ, tơdroăng ki pleăng hlâ hía dêi mâu Nôu xuân môi tiah mâu ngoh, mâu tăm hiăng kơtong hlâ tơbriêt tơdroăng tơniăn krê ăm tơnêi têa. Ing mê mâu tơdroăng kố cho kal khât ăm rơxông ối nếo ngin, vâ ăm mâu rơxông ối nếo ngin môi xôh nếo châ pâ mơnê ƀă mê cho rơkong pơchân rơxông ối nếo ngin ai tơdroăng pêi ƀă ai kơnâ pôu râng hnoăng cheăng tâ’’.

Mâu tíu pêi cheăng tung khu mô đô̆i kong pơlê Quảng Ngãi hiăng ƀă dế tơrŭm ƀă mâu kơvâ cheăng tơkŭm tơleăng teăm tơdrêng, tŭm mâu troăng hơlâ dêi Tơnêi têa, dêi kong pơlê ƀă mâu ngế ai hnoăng tơnêi têa. Tơdroăng ti tăng plĕng, chiâ xo kơxêng kiâ mô đô̆i hên hơnăm hiăng hluâ xuân châ Đảng ŭy Khu xiâm pơkuâ Mô đô̆i kong pơlê ki rơhêng vâ tối tơmâng. Sap apoăng hơnăm troh nôkố, Khu pơkuâ troăng hơlâ ối tung Khu xiâm pơkuâ Mô đô̆i kong pơlê Quảng Ngãi hiăng tơdah, mơnhên, pơkâ thế mơhá liăn 24 hô sơ mô đô̆i châi rong ki u ối klêi kơ’nâi tơplâ, hnê mơhno mơnhên hô sơ, pơkâ thế mơnhên mô đô̆i hlâ tung tơplâ xâ.

Pakĭng mê, Khu xiâm pơkuâ Mô đô̆i kong pơlê Quảng Ngãi tơrŭm ƀă mâu khu xiâm, kơvâ cheăng ƀă kong pơlê tơdjâk troh vâ mơnhên tơdroăng ƀă pói vâ djâ mâu tơmeăm vâi nah dêi mô đô̆i hlâ tung tơplâ xâ ƀă rơpŏng, nhŏng o. Tíu cheăng hiăng diâp 20 hô sơ tơmeăm vâi nah troh nhŏng o rơpŏng.

Ƀă hiêm mơno pâ mơnê trâu hơhngế mâu rơxông pôa pâ prôk hdrối, mâu hâi kố, kăn ƀô̆, mâu mô đô̆i kong pơlê Quảng Ngãi tơkŭm po hên tơdroăng ki kal rak ngăn ăm mâu rơpŏng mô đô̆i rong râ, mô đô̆i hlâ tung tơplâ xâ; tơkŭm po lăm kơ-êng, khăm pơlât, xing xoăng pơkeăng tê kơtê ăm mâu rơpŏng ai troăng hơlâ tơnêi têa tŏng gum, mơngế ai hnoăng tung kong pơlê. Đăi tă Võ Tấn Tài, Chính ŭy Khu xiâm pơkuâ Mô đô̆i kong pơlê Quảng Ngãi mơnhên:

‘’Tơdroăng tŏng gum, pâ mơnê mơngế ai hnoăng châ Đảng ŭy Quân sư̆ kong pơlê tơmâng hên. Tung pơla kố nah xuân hiăng mơjiâng hên tơdroăng tuăn pâ, hngêi tŏng gum mơngế ai hnoăng ƀă ki rơhêng vâ tối tơmâng troh mâu ngế ki tŏng gum nôkố hngêi trăng ki pơtân, tung mê ai mâu rơpŏng dế xối pleăng mô đô̆i hlâ tung tơplâ xâ, tơkŭm po mâu khu lăm kơ-êng ƀă pâ mơnê mâu ngế ki kố’’.