Tơbleăng a rôh Hôp, pôa Phạm Minh Chính - Ngế pro xiâm hnê ngăn Chin phuh tối, kơpong kuăn ngo ƀă kong ngo cho tíu ki pá ‘na pơkeăng pơlât, hriâm tâp, mơgrúa hyôh kong prâi, túa tơlá, cheăng kâ ƀă hên ki ê... Xua mê thế ngăn nhên khât, tối tơdrăng tơdroăng ki hiăng pêi pro, tối mâu tơdroăng ki lâi hâi pêi lơ pêi hâi teăm tro, teăm rơnêu, cho ƀai hriâm vêh rơnêu lĕm nếo vâ hnê mơhno tro tâ hlối pơxúa tung rêh ối ăm kuăn pơlê.

Ngế pro xiâm hnê ngăn tơnêi têa púi vâ hneăng la ngiâ, tơdroăng pêi pro Tơdroăng tơkêa bro dêi tơnêi têa mơnhôg cheăng kâ - pơlê pơla kơpong kuăn ngo ƀă kong ngo kô pêi tro tâ, pêi hdrối tơmeăm khoăng tơdjuôm, túa pêi rơkê tâ, tơbrê tâ, pơ’lêh tơdroăng tơkŭm pêi, ai ki xiâm, ki tro, pêi cheăng ki lâi pê klêi ki mê vâ tơdroăng rêh ối lĕm tro tâ ăm, kuăn pơlê kơpong kuăn ngo ƀă kong ngo.