VOV châ kâ 2 pri hlá tơbeăng “Xua Gâk kring Tơnêi têa ƀă tơniăn tơdroăng rêh ối”.
Thứ năm, 10:24, 14/08/2025
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Kong măng lơ 13/8, a Hngêi hơdruê Hồ Gươm, Hà Nội, Khu xiâm ngăn Kŏng an hiăng pơkuâ po, tơrŭm ƀă Khu chêh hlá tơbeăng Việt Nam tơkŭm po Leh Mơgêi ƀă diâp Pri hlá tơbeăng lâp tơnêi têa ‘Xua Gâk kring Tơnêi têa ƀă tơniăn tung rêh ối “ pơla hơnăm 2023 – 2025.
Pri hlá tơbeăng rôh kố gá pơxúa khât, cho môi tung mâu tơdroăng ki xiâm tơmiât troh tơbâ 80 hơnăm Hâi mơjiâng Kŏng an nhân dân, 20 hơnăm Hâi mơdĭng tâi tâng kuăn pơlê rak vế gâk kring Tơnêi têa.
A leh diâp pri, Hô̆i đong chung khảo hiăng rah xo 72 ƀai ki rơkê vâ diâp pri, tung mê: 6 ƀai châ kâ pri A; 12 ƀai châ kâ pri B; 19 ƀai châ kâ pri C; 35 ƀai châ kâ pri mơhnhôk.
A leh diâp pri, Rơ’jiu xiâm Việt Nam (VOV) hiăng hâk tơngăm châ kâ péa pri cho 1 pri A dêi khu chêh Bùi Thị Hương Giang; Nguyễn Thị Thanh (Ban thời sự Rơ’jiu xiâm Việt Nam) ƀă ƀai chêh "Giữa lằn ranh sinh tử" ƀă 1 pri mơhnhôk dêi khu chêh Bùi Hương Giang; Nguyễn Hà Phương (Hlá tơbeăng Điê̆n tưh Rơ’jiu Việt Nam) ƀă ƀai "Từ bỏ Tin lành Đêgar: Quay đầu là bờ".
Viết bình luận