Tối tơbleăng mơgêi hôp roh má 48, pôa Trần Thanh Mẫn kăn xiâm hnê ngăn Kuô̆k hô̆i  tối, ƀă tuăn  vâ pêi cheăng thâ rĕng kêi, pêi kơtăng ƀă pêi tâi hnoăng cheăng, Vi ƀan pơkuâ cheăng Kuô̆k hô̆i  hiăng pê klêi tâi tâng tơdroăng dêi rôh hôp má 48  ƀă 17 tơdroăng tơpui tơdrêng ƀă mâu  tơdroăng kal xéa ngăn ƀă hlá mơ-éa, hbrâ hên tơdroăng ăm rôh hôp má 10.

Pôa Trần Thanh Mẫn kăn xiâm hnê ngăn Kuô̆k hô̆i  tối pơchân, rôh hôp khế 9 cho Rôh hôp kân ăm veăng hnê tối ƀă mâu tơdroăng ki pơtroh ăm rôh hôp má 10 ƀă hên tơdroăng mê cho veăng hnê tối rôh má 2 ‘na hbrâ rôh hôp má 10; séa ngăn, tơbleăng Tơdroăng mơjiâng luât hơnăm 2026; ăm hnê tối mâu hlá mơ-éa chêh tơbleăng mơgêi hnoăng cheăng dêi Kuô̆k hô̆i ƀă dêi kơ koan Tơnêi têa, tơdroăng hbrâ tâ phĭu ƀă dâng 50 tơdroăng tơkêa bro, pơkâ kal ki ê.