VOV4.Xơ Đăng – Măng tĭng hdrối, a Hngêi hôp kân Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i pơkuâ xiâm hneăng pêi cheăng ƀă mâu kăn Vi ƀan hnê ngăn Túa lĕm tro ‘na Hnê hriâm; Vi ƀan hnê ngăn pơlê pơla; Khu hnê mơhno cheăng kăn teăng mâ vâ mơnhên tối mâu hnoăng cheăng ki hiăng châ chiâng pêi pro ing apoăng hneăng troh nôkố; tơdrêng amê, vêh mơnhên ngăn tơdroăng cheăng tá hâi chiâng pêi pro, ối tơvâ tơvân, ki hâi  teăm tro, vâ ing mê, pơtối mơdêk hnoăng cheăng pêi tơtro tâ tung la ngiâ.

VOV4.Xơ Đăng - Kơxo lơ 31/7, Kơxô̆ liăn tŏng gum vâi hdrêng chó chêng tơvê kŏng Việt Nam tơrŭm ƀă Khu Tŏng gum mơngế chó chêng tơvê kŏng ƀă gâk kring hnoăng vâi hdrêng kong pơlê Dak Lak tơkŭm po tơdroăng diâp kơxuô tơmeăm ‘’Gum vâi hdrêng chó chêng tơvê kŏng troh hngêi trung’’ tung kong pơlê Dak Lak.

VOV4.Xơ Đăng - Mơnhên cheăng kâ ối trâm hên xahpá, xua tơdjâk ing tơdroăng kong têa ê, ai hên pơhlêh rĕng, ối hên xahpá kân ƀă ôh tá ‘nâi hdrối; ƀă liăn ngân ôh tá kơnâ, tơmeăm khoăng tê to kơnâ; tơdroăng tê rôe, pơhlêh liăn ngân ối trâm hên ki tro lŭp, ôh tá kơnâ; cheăng chiâk deăng, pêi kâ, tê mơdró xuân ối trâm hên xahpá; kong mêi kân, têa lân lu, khía mơhot, tô mơdrăng, tơnêi tơhnah tơhnâp, hyôh kong prâi mêi tô - mêi ôh tá tro ƀă hên mâu tơdroăng xahpá ki ê. Ngế pro xiâm hnê ngăn Chin phuh hiăng pơtroh Hlá mơ-éa kơxô̆ 71 ‘na hnoăng cheăng, pêi pro ki xiâm vâ thăm mơdêk pêi lo kế tơmeăm, liăn ngân, mơdât to yă tê tơmeăm tê mơdró, rak tơniăn cheăng kâ ing khế 7 troh tâi hơnăm 2024.

VOV4.Xơ Đăng  - Kơxê lơ 29/7, Vi ƀan Măt trâ̆n Tơnêi têa Việt Nam kong pơlê Dak Lak tơkŭm po tơdah kơxô̆ liăn Gum mơngế kơtiê ƀă Kơxô̆ liăn pâ mơnê mâu ngế ai hnoăng xua pôa Y Thanh Hà Niê Kdăm, Kăn hnê ngăn Hô̆i đong hdroâng kuăn ngo dêi Kuô̆k hô̆i mơhnhôk diâp ăm.

VOV4.Xơ Đăng - Mâu hơnăm achê pơla kố, tơring Trà Bồng, kong pơlê Quảng Ngãi hiăng pơkâ pêi pro tơdroăng cheăng xiâm tơnêi têa kơdroh kơtiê krá tơniăn tơtro ƀă tơdroăng ki ai păng ‘nâng, thăm mơdêk ki tơƀrê dêi hnoăng cheăng gum kơdroh kơtiê. Hên rơpŏng kuăn pơlê châ gum ko hngêi ối, tơveăng pêi cheăng kâ, hluăn ing kơtiê tơniăn ton.

VOV4.Xơ Đăng - Pơla hdrối kố nah, a Hngêi kăn xiâm hnê ngăn Kuô̆k hô̆i, pôa Trần Thanh Mẫn - Kăn xiâm hnê ngăn Kuô̆k hô̆i hiăng pơtối pơkuâ ngăn hneăng hôp tung roh hôp pơla Kăn xiâm Kuô̆k hô̆i, mâu Kăn xiâm phŏ hnê ngăn Kuô̆k hô̆i ƀă mâu kơ koan dêi Kuô̆k hô̆i, Ƀơrô dêi Kuô̆k hô̆i, mâu kơ koan ối tung Vi ƀan hnê ngăn Kuô̆k hô̆i vâ vêh mơnhên hnoăng cheăng 6 khế apoăng hơnăm, pơkâ pêi pro hnoăng cheăng ki xiâm dêi 6 khế mơ’nui hơnăm.

VOV4.Xơ Đăng - Chôu pâ ó khât hnoăng cheăng, khôi hmâ lĕm tro dêi hdroâng mơngế ƀă rơkong hnê pơchân dêi Pôa Hồ Chí Minh, 77 hơnăm hdrối, Đảng, Tơnêi têa ƀă Kuăn pơlê Việt Nam đi đo tŏng gum, rak ngăn ivá, pêi pro tro hnoăng cheăng pâ mơnê kơ mâu ngế ai hnoăng ƀă kăch măng ƀă nhŏng o vâi.

VOV4.Xơ Đăng - Tơdroăng tơplâ ton nah a rơnó hơngui mơdrăng hơnăm 1972 a Peăng kơnhŏng Tây Nguyên, ki xiâm cho Plâ ƀlêi trâng Đăk Tô - Tân Cảnh. Xuân ing rơnó Hơngui mơdrăng hơnăm ki mê nah, hên mâu ngế Rơteăng a Kon Tum thế kơtâu hdâ ‘’xâu kơ xâ’’ lăm ối a Dak Lak. Vâi krâ nhŏng o môi tuăn tiô kăch măng, “pôu chiân phái, răng, hnêa’’ chĕm mơ’drêh mâu mô đô̆i pin, hên ngế hiăng tro rong, la xuân ối râng pháu plâ xâ, tăng rup mâu Fulro ƀă mơjiâng dêi pơlê nếo.

VOV4.Xơ Đăng - Klăng roh leh tơbâ 77 hơnăm Hâi mô đô̆i rong râ – Hlâ hía (27/7), mâu hngêi pơkeăng, hngêi pơkeăng cheăm khu lêng kuăn pơlê ối tung Ƀinh đoân 15 rơtế pêi pro khăm pơlât, xing xoăng pơkeăng tê kơtê ăm mâu ngế ai hnoăng, rơpŏng ai hnoăng tơnêi têa ƀă mâu rơpŏng kơtiê a kơpong tơkăng kong ƀă mâu kong pơlê Gia Lai ƀă Kon Tum.

VOV4.Xơ Đăng - Drêng tơbâ 77 hơnăm Hâi Mố đô̆i rong râ, hlâ hía (27/7), kong pơlê Dak Lak hiăng ‘măn lối 11 rơtal liăn ƀă mơjiâng 6 khu ki pêi cheăng lăm pôu kơ-êng, mơhnhôk, hbru tơmeăm ăm ngế ai hnoăng.