VOV4.Xơ Đăng - Hô̆i đong hnê ngăn kong pơlê Gia Lai nếo pơkâ Tơdroăng pơkâ thế tŏng gum kăn ƀô̆, kong chưk, viên chưk ƀă ngế pêi cheăng ôh tá hmâ rơlối xua ‘mot tơkŭm tíu pêi cheăng râ cheăm tung pơla hơnăm 2023 – 2025 kô châ gum hên cho dâng 100 rơtuh liăn tung môi ngế.

VOV4.Xơ Đăng -  Klăng leh tơbâ 80 hơnăm Hâi mơjiâng Khu lêng kuăn pơlê Việt Nam, Vi ƀan kong pơlê Dak Lak nếo tơkŭm po trâm mâ mâu kăn ƀô̆ râ xiâm, kăn pơkuâ lêng hiăng pơtê cheăng xua hơnăm hiăng krâ, pơtê tơdroăng cheăng.

VOV4.Xơ Đăng - Kơxê hâi lơ 15/12, a pơlê kong kơdrâm Ƀuôn Ma Thuột po  tơdroăng trâm mâ ƀă khĕn kơdeăn mâu sinh viên kuăn ngo kong pơlê  ‘’Dak Lak rôh má 16’’.

VOV4.Xơ Đăng - Măng tĭng hdrối, a roh hôp má 40, Vi ƀan hnê ngăn Kuô̆k hô̆i hiăng vêh mơnhên ngăn, tối tơbleăng ‘na hnoăng cheăng pêi pro tiô tuăn mơno kuăn pơlê dêi Kuô̆k hô̆i khế 10 ƀă khế 11 hơnăm kố. Vi ƀan hnê ngăn Kuô̆k hô̆i hiăng pâ thế: Tơdroăng ki vêh ‘mâi rơnêu, xing xoăng hnoăng cheăng pơkuâ ngăn, cheăng kal kí, la iâ mơngế, kal athế pơkâ pêi pro kơtăng khât ƀă châ tơ’lêi vâ mơhnhôk, tŏng gum ăm khu kăn ƀô̆ tung tơdroăng ki ‘mâi rơnêu, xing xoăng hnoăng cheăng ăm mâu kăn ƀô̆, mơngế pơkuâ, mơngế cheăng.

VOV4.Xơ Đăng - Ƀă tơdroăng veăng tŏng gum dêi mâu kăn ƀă mâu kơvâ cheăng, ing apoăng hneăng hôp kân Đảng ƀô̆ rôh má 16, mê troh nôkố tơdroăng rak ngăn kring vế, mơnhông pêt kong a kơpong kuăn ngo a kong pơlê ai hên ki pơhlêh. Ƀai chêh ‘’Pêt kong ăm rơngiâp lĕm tơnêi ngo lĭng kum ai cheăng pêi tơniăn a kơpong kuăn ngo tung kong pơlê Kon Tum” kơ’nâi kố ai tối tơdroăng mê.

VOV.Xơ Đăng - Măng ting hdrối, klêi kơ’nâi mơgêi Hneăng hôp má 8, Kuô̆k hô̆i hneăng 15, pôa Phan Đình Trạc, Ngế cheăng tung khu xiâm kal kí, cheăng tung Khu xiâm pơkuâ hnê ngăn Đảng, Kăn pơkuâ ngăn Khu hnê mơhno cheăng pơkuâ ngăn ‘na mơngế, kế tơmeăm dêi tíu xiâm tơnêi têa rơtế ƀă mâu kăn Kuô̆k hô̆i kong pơlê Lâm Đồng hiăng trâm mâ kuăn pơlê a mâu tơring cheăm dêi kong pơlê Lâm Đồng. Kuăn pơlê Lâm Đồng hiăng tối hên mâu tơdroăng ki kal, tung mê ai tơdroăng ki thăm gum ‘na cheăng kâ, rêh ối dêi kuăn pơlê ƀă hnoăng cheăng pơkuâ rak ngăn kong, tơdroăng ki pro pá puât ăm kuăn pơlê tung rêm roh chêh bro hlá mơ-éa.

VOV4.Xơ Đăng - Kong pơlê Kon Tum ‘nâi nhên pơ’lêh kơxô̆ cho troăng hơlâ thế pêi pro ƀă cho môi troăng pêi pro ki kal, thế pêi tơdrêng vâ mơjiâng, tơbleăng mâu tơdroăng, pơkâ mơnhông cheăng kâ-rêh ối pơlê pơla dêi kong pơlê. Hâi lơ 18/2/2022, Khu kăn Đảng kong pơlê Kon Tum ai pơkâ kơxô̆ 09 ‘na pơ’lêh kơxô̆ kong pơlê Kon Tum troh hơnăm 2025, troăng hơlâ pêi troh hơnăm 2030. Pêi pro tiô pơkâ dêi khu kăn pơkuâ hnê ngăn Đảng kong pơlê lối 2 hơnăm hdrối ƀă tơdroăng veăng tơmâng hnê mơhno dêi rêm râ, mâu kơvâ cheăng mơ-eăm pơ’lêh kơxô̆ dêi kong pơlê Kon Tum hiăng pêi hlo châ tơƀrê.

VOV4.Xơ Đăng - Ai 33 ngế krâ pơlê ƀă mâu ngế ki hiăng hên hơnăm a kong pơlê Dak Lak hiăng châ khĕn kơdeăn a kơxo hâi lơ 5/12 ƀă mâu tơdroăng tơ’noăng “Tâi tâng kuăn pơlê rak vế gâk kring Tơnêi têa” pơla hơnăm 2019 – 2024.

VOV4.Xơ Đăng - Kơxo lơ 4/12, pôa Lương Cường - Kăn xiâm hnê ngăn tơnêi têa hiăng ai rôh trâm mâ kuăn pơlê a tơring Thường Xuân, kong pơlê Thanh Hóa.

VOV4.Xơ Đăng - A roh hôp má 8, Kuô̆k hô̆i hneăng 15, măng tĭng hdrối, mâu kăn hiăng tơpui tối a hngêi hôp kân ‘na Tơdroăng tơkêa bro Luât pro hnoăng mơhá ki tơviah (‘mâi pơhlêh). Mâu kăn ối tô tuăn ‘na tơdroăng ki pơkâ kơlo xo hnoăng mơhá liăn ƀă têa ôu ki ai xik, drôu, ƀiêr ƀă hât. Xua kố cho mâu tơmeăm khoăng ki xúa ai tơdjâk ‘mêi troh ivá châ chăn.