Pêi pro tiô troăng hơlâ dêi Khu xiâm kal kí ‘na mơjiâng hngêi trung hriâm ăm mâu cheăm tơkăng kong, tung hơnăm kố, Dak Lak kô pơxiâm mơjiâng pro 3 tơdroăng tơkêa bro hngêi trung phôh thong ai tíu kâ koi ối pơtê tơdjêp râ ƀă tâi tâng kơxô̆ liăn mơ’no lối 390 rơtal liăn. Mâu toăng hngêi trung kố châ mơjiâng a 3 cheăm tơkăng kong Ia Lốp, Ia Rvê ƀă Buôn Đôn ƀă châ pơxiâm mơjiâng pro rơtế a hâi lơ 2/11 la ngiâ.

Pôa Lương Nguyễn Minh Triết tối, Ia Lốp cho môi tung 7 cheăm ôh tá tơmot chiâng môi dêi kong pơlê, ai ki phá tơ-ê kơpong tơkăng kong rế ai tơ’lêi hlâu, rế trâm hên pơloăng mơnúa xua kong kân rơdâ, kuăn pơlê iâ êt, kơxô̆ rơpŏng kơtiê ƀă vâ chê kơtiê ối hên. Kăn pơkuâ hnê ngăn cheăng Đảng pơkâ thế kong pơlê ‘nâi kơnó nhên tơmeăm ki ai hlâu, tah lôi tơdroăng ki ối hro, pơhlêh nếo tơmiêt pêi rơkê vâ mơnhông krá tơniăn tung hneăng nếo.