Tung pơla hdrối nah, mâu tơdroăng hiăng pro pơxúa hên tơdroăng, veăng gum mơnhông cheăng kâ rêh ối pơlê pơla, mơdêk tơdroăng rêh ối kuăn pơlê. A cheăm M’Drak, kơxô̆ rơpŏng kơtiê kơdroh dâng 6 – 6,5% rêm hơnăm; troăng klông kế tơmeăm xúa ki kal châ ‘no liăn pro tơ’mô, mâu thôn pơlê, pơrá ai hngêi hôp tơdjuôm, troăng prôk châ tôh ƀê tong, tâi tâng rơpŏng kuăn pơlê ai on tơhrik xúa.

Jâ Nguyễn Thị Thu Nguyệt – pơkuâ Khu kăn Kuô̆k hô̆i kong pơlê – tơmâng xo ivá mơ-eăm dêi cheăm, tơdrêng amê hlối pơkâ thế pơtối séa ngăn, tơkŭm mâu tơdroăng ki Khu hnê mơhno cheăng, tơbleăng pêi tiô troăng “tơ’lêi pêi hdrối, xơpá pêi kơ’nâi” ƀă thăm mơnhông po lâm hnê hriâm ăm kăn ƀô̆, ngế pơkuâ thôn pơlê.