VOV4.Xơ Đăng - Hdrối vâ mot hơnăm hriâm nếo, Khu mâu mố đô̆i hneăng hdrối nah rêm râ kong pơlê Dak Lak hiăng pê klêi tơdroăng diâp hlá mơ-éa chêh ăm mâu hok tro râ má môi ki kơtiê tung lâp kong pơlê.

VOV4.Xơ Đăng - Klêi kơ’nâi 10 hơnăm pêi pro Pơkâ dêi Khu pơkuâ hnê ngăn cheăng Đảng “ ‘Na thăm pơkuâ hnê mơhno dêi Đảng ƀă tơdroăng ăm mung liăn kum rêh ối pơlê pơla” (tối cho Pơkâ 40), hrĭng rơpâu ngế ki xahpá a kong pơlê Gia Lai hiăng châ tŏng gum mơ-eăm hluăn ing kơtiê.

VOV4.Xơ Đăng - Măng tĭng hdrối, Vi ƀan hnê ngăn Kuô̆k hô̆i hiăng po roh hôp ki kal tung mơjiâng pro Luât xiâm a khế 8. A roh hôp kố, Vi ƀan hnê ngăn Kuô̆k hô̆i hiăng ai hên rơpŏng tơpui tối pơrá phá dêi pó, tơtro ƀă tơdroăng ki ai păng ‘nâng tung rêh ối, pêi cheăng kâ, châ kuăn pơlê vâ môi tuăn, mê cho mâu tơdroăng ki hbrâ tơpâ mơdât on, pơhlêh tơdroăng ki pro hnoăng mơhá tung tê rôe phon rơvât ing 0% chiâng tơdroăng ki tro pro hnoăng mơhá 5%, tơdjâk troh tơdroăng pêi cheăng kâ dêi kuăn pơlê.

VOV4.Xơ Đăng - Hdrối vâ mot hơnăm hriâm nếo, kơxê hâi lơ 13/8, Mối đô̆i gak tíu tơkăng kong dêi kong pơlê Dak Nông tơkŭm po leh khĕn kơdeăn 39 ngế hok tro rơkê tung mâu tơdroăng tơkêa bro kum hok tro ki rêh ối a tíu tơkăng kong tung tơnêi têa bă kong têa pú Kul.

VOV4.Xơ Đăng – Tiô Vi ƀan ngăn troăng prôk tơnêi têa, rêm hâi, tơklô̆m rơxế a troăng prôk hiăng bro 24 ngế hlâ ƀă 60 chât ngế tro rong. Malối, rêm hơnăm tơklô̆m rơxế a troăng prôk pro kơdroh 2,5% tâi tâng kơxô̆ liăn dêi kuăn pơlê, tung pơla mơdêk cheăng kâ pơlê pơla dêi lâp tơnêi têa mâu hơnăm a chê kố bu châ dâng6%. Xua mê, hnoăng cheăng hnê tối, hriâm luât tơniăn troăng prôk cho kal khât. Rơtế a mê cho tơkŭm ƀă tơdroăng ki pơtrui ngăn pơxâu phâk mâu ngế pro xôi a troăng prôk. Kố cho péa troăng hơla châ kăn pơkuâ rêm râ, khu ki ai tơdjâk troh tung lâp tơnei tơtrŏng pêi pro tung hên hơnăm.

VOV4.Xơ Đăng - Tung mâu khế hơnăm hdrối mê hía nah, tơdroăng pêi pro vâ rak vế tơniăn drô troăng prôk a kopong hngêi trung hriâm a Yên Bái hiăng châ ‘mâi rơnêu, maluâ xuân u ối hên tơdroăng ki xâu xía a drô troăng prôk. Tiah mê, mâu tơring, cheăm, hngêi trung hriâm hiăng tơrŭm ƀă khu râ kŏng an pơkâ pêi pro hên troăng hơlâ cheăng, tung mê ai mơjiâng túa cheăng “Tôh tơnăng pơkuâ dêi troăng prôk rak vế tơniăn a bo cheăng hngêi trung”. Túa cheăng kố ki păng 'nâng kal athế pơtối po rơdâ a hên tíu ki ê.

VOV4.Xơ Đăng - Ing hâi lơ 1/8, Luât tơnêi têa, Luât hngêi ối, Luât tê mơdró tơnêi tơníu hiăng xêt, rĕng tâ lối 5 khế. Ki rơhêng vâ tối, Luât tơnêi tơníu hơnăm 2024 hiăng xúa tung rêh ối ai tro tiô tơdroăng púi vâ dêi hên kuăn pơlê, tơleăng pro klêi mâu tơdroăng ki ối tơvâ ‘na tơnêi tíu, hlối po troăng ki xiâm ăm mơnhông cheăng kâ, rêh ối pơlê pơla.

VOV4.Xơ Đăng -  Ƀinh đoân 15 hiăng tơkŭm po kheăn kơdeăn 104 ngế krâ pơlê, kăn pơkuâ thôn, ngế ki kuăn pơlê loi tơngah hdroâng kuăn ngo a kơpong tơkăng kong 2 kong pơlê Gia Lai ƀă Kon Tum.

VOV4.Xơ Đăng - Tiô tối hdrối kô ai dâng 2 rơpâu ngế kuăn pơlê châ khăm ing tơdroăng kố.

VOV4.Xơ Đăng - Tung rôh lăm pêi dêi hnoăng cheăng a kong pơlê Kon Tum, hâ lơ 5/8, pôa Nguyễn Hòa Bình, Ngế cheăng tung Khu xiâm kal kí, Kăn pơkuâ ngăn Tíu xiâm Đảng, Kăn pơkuâ Hngêi tơleăng Kuăn pơlê rơtế ƀă khu kăn ki pêi cheăng Tơnêi têa hiăng troh séa ngăn tơdroăng ki ai khât cho tơnêi tơdro ƀă pôu kơ-êng, mơhnhôk kuăn pơlê a kơpong ki xiâm dêi tơnêi tơdro cheăm Đăk Ring, tơring Kon Plông.