A rôh leh ai teăng mâ Tíu xiâm, Kuân khu 5, Khu xiâm pơkuâ ngăn Binh đoân 15, mâu Kăn dêi kong pơlê ƀă krâm mâu kăn ƀô̆, mâu lêng ƀă kuăn pơlê dêi kong pơlê. Tơbleăng a rôh leh tơbâ hnoăng, jâ Nguyễn Thị Thanh Lịch - Phŏ Kăn hnê ngăn Vi ƀan Kuăn pơlê kong pơlê Gia Lai tối cho tíu tơplâ xiâm ƀă hên rôh tơplâ ó môi tiah a Plei Me, Ia Drang, Ia Boòng, Ia Mơr, Ia Puch…

Mơheăm kơxêng dêi mâu lêng mố đô̆i ki hlâ hiăng veăng pro châ ƀlêi trâng roh tơplâ rơnó Hơngui 1975 , lâp tơnêi têa tơrŭm môi. Tơdroăng lăm tăng, tơkŭm ‘mé kơxêng mâu ki hlâ ai hnoăng mê cho hnoăng pêi ƀă tơdroăng pêi pro ki lĕm dêi Đảng, Tơnêi têa ƀă kuăn pơlê. 18 kơxêng kiâ mâu ngế hlâ ai hnoăng rôh kố châ tăng hlo sap hâi lơ 9-15/10 kô nah a pơlê Gà (cheăm Ia Boòng), hên kơxêng ki ‘nâ ối râk kế pro hơkôp, chế yu ƀă mâu tơmeăm mê cho yep kơxu, kơchiăn ếo, hdrui.