VOV4.Xơ Đăng - Hâi lơ 21/2, ngăn a Pơkâ kơxô̆ 68/NQ-UNTVQH15 hâi lơ 14/2/2025 dêi Vi ƀan Pơkuâ cheăng Kuô̆k hô̆i, Chin phuh tơnêi têa Kŏng hoa xah hô̆i chuh ngiah Việt Nam hiăng tối tơbleăng ‘na troăng xiâm ki riân ngăn rơdâ dêi troăng têa kơxĭ Việt Nam tung Kung king Peăng kơnhŏng tơnêi têa.

6.VOV4.Xơ Đăng - Hâi lơ 1/3 la ngiâ kô ah, mâu kong pơlê a Dak Lak kô mơjiâng pro 4.285 toăng hngêi tiô tơdroăng tơkêa bro 214 ‘na tah hngêi xi kơchoh, hngêi pơtân kum mâu rơpŏng kơtiê, vâ chê kơtiê tung kong pơlê.

VOV4.Xơ Đăng – Tơdroăng hnê tơ’nôm, hriâm tơ’nôm cho tơdroăng cheăng ki kal khât dêi mâu hok tro ƀă thái cô. Maluâ ti mê, pakĭng tơdroăng ki mơhnŏng vâ, la xuân ai hên tơdroăng ki ôh tá tro, pơklât thế hok tro hriâm tơ’nôm tiô kơ hên túa pơrá phá dêi pó. Sap ing hâi lơ 14/2/2024, Hlá mơ-eá pơkâ kơxô 29 dêi Khu xiâm ngăn ‘na Hnê hriâm ƀă Hnê mơjiâng tuăn ngôa rơkê pơkâ ‘na tơdroăng hnê tơ’nôm, hriâm tơ’nôm hiăng ai châ xêt khât. Tâng pơchông ngăn ƀă tơdroăng pơkâ dế nôkố, hlá mơ-eá kố ai hên tơdroăng ki nếo, pro hên ngế, hên khu ai hên rơkong tối pơrá phá dêi pó a pơla mê hía nah.

VOV4.Xơ Đăng - Kơxo lơ 18/2, ƀă 463.465 ngế kăn Kuô̆k hô̆i tiê nut môi tuăn (châ 96,86% tung tâi tâng kơxô̆ ngế kăn Kuô̆k hô̆i), Kuô̆k hô̆i hiăng tơbleăng Luât Tơrŭm Chin phuh (‘mâi pơhlêh).

VOV4.Xơ Đăng - Pơtối Hneăng hôp ôh ti xê tiah hmâ rôh má 9, kơxo lơ 18/2, Kuô̆k hô̆i têk kŏng tơbleăng Luât Tơrŭm Chin phuh (‘mâi pơhlêh).

VOV4.Xơ Đăng - Khu lêng mố đô̆i gâk tơkăng kong kong pơlê Kon Tum dế mơhnhôk thế veăng tơlo hên kơxô̆ liăn vâ tŏng gum tơ’nôm liăn ƀă hâi pêi cheăng vâ kuăn pơlê pro klêi mâu hngêi ki lĕm, krá tâ a tíu tơkăng kong.

VOV4.Xơ Đăng - A roh hôp ôh ta pơkâ hdrối má 9, Kuô̆k hô̆i hneăng 15, măng tĭng hdrối, mâu kăn hiăng veăng tơpui tơno tiô dêi khu ‘na mâu tơdroăng tơkêa pro Luât: Luât mơjiâng Chin phuh (‘mâi pơhlêh): Luât mơjiâng khu pơkuâ (‘mâi pơhlêh); ƀă Tơdroăng tơkêa Pơkâ dêi Kuô̆k hô̆i ‘na mơnhên mâu tơdroăng ki rơnêu rah xo mơngế, inâi cheăng dêi tơnêi têa. Tơdroăng ki vâ môi tuăn dêi kuăn pơlê ƀă tơdroăng pêi lo kế tơmeăm cho tíu ki vâ mơnhên tối ivá cheăng, tơƀrê, ai pơxúa kân khât dêi Chin phuh, rêm khu râ cheăng ƀă xuân cho ki xiâm má môi, cho tíu ki vâ pêi pro ta troh a tơdroăng ‘mâi rơnêu mâu luât ki kố.

VOV4.Xơ Đăng - Sap hâi apoăng hơnăm kố,  mâu kong pơlê tung kơpong Tây Nguyên hiăng tơbleăng troăng hơlâ xut tah hngêi pơtân hngêi xi kơchoh ăm kuăn pơlê. Ing mê, kong pơlê Lâm Đồng hiăng pro lối 1 rơpâu toăng hngêi, ƀă kong pơlê Gia Lai mơ-eăm pê klêi dâng 8 rơpâu pơtăm hrĭng toăng hngêi tung 6 khế apoăng hơnăm.

VOV4.Xơ Đăng -  Ai 40 rơpŏng kơtiê, vâ chê kơtiê hdroâng kuăn ngo Rơteăng a 2 cheăm Đăk Na ƀă Văn Xuôi, tơring Tu Mrông, kong pơlê Kon Tum châ tŏng gum tê kơtê 3.320 xiâm hdrê pơkeăng kong sâm Ngọc Linh vâ pêt mơnhông cheăng kâ rơpŏng.

VOV4.Xơ Đăng -   Tâi tâng kơxô̆ liăn vâ kong pơlê Kon Tum pêi pro xut hngêi pơtân, hngêi xi kơchoh cho lối 141 rơtal 500 rơtuh liăn ƀă nôkố kong pơlê u ối tá hâi tŭm lối 54 rơtal 700 rơtuh liăn.